പ്രവാസി മലയാളികളുടെ പ്രശസ്തി ഉയര്‍ത്തി മസ്‌കറ്റ് ഐ.എസ്.ഡി.യില്‍ നിന്നും സണ്ണിവെയ്ല്‍ ഐ.എസ്.ഡി.യില്‍ നിന്നും ഹൈസ്‌കൂള്‍ ഗ്രാജുവേഷനില്‍ ഒന്നും രണ്ടും സ്ഥാനങ്ങള്‍ കരസ്ഥമാക്കിയ മലയാളി വിദ്യാര്‍ത്ഥി വിദ്യാര്‍ത്ഥിനികള്‍ക്ക് പ്രവാസി മലയാളി ഫെഡറേഷന്‍ ഡാലസ് സ്വീകരണം നല്‍കുന്നു.

ജൂലായ് 27 ന് വൈകീട്ട് 5 മണിക്ക് ബല്‍റ്റ് ലൈന്‍ ഗാര്‍ലന്‍ഡിലുള്ള ഇന്ത്യാ ഗാര്‍ഡന്‍ റസ്റ്റോറന്റിലാണ് സ്വീകരണയോഗം സംഘടിപ്പിച്ചിരിക്കുന്നത്. 
ജോഷ്വ ജോര്‍ജ്, ജോസഫ് ഫ്രാന്‍സിസ്, ഇരട്ടസഹോദരിമാരായ സ്‌റ്റെഫി വിജു, സ്റ്റെല്ല വിജു, ജോയല്‍ ലൂക്കോസ്, ക്രിസ്റ്റി ലൂക്കോസ്, ഏഞ്ചല മാത്യു കോശി എന്നിവര്‍ക്കാണ് സ്വീകരണമൊരുക്കിയതെന്ന് പ്രസി.തോമസ് രാജന്‍, സെക്ര.സിജു വി ജോര്‍ജ്, ട്രഷറര്‍ രാജന്‍ മേപ്പുറം എന്നിവര്‍ അറിയിച്ചു. യോഗത്തിലേക്ക് ഏവരെയും ഭാരവാഹികള്‍ സ്വാഗതം ചെയ്തു.