കലാവേദി ഇന്റര്‍നാഷണല്‍ സംഘടിപ്പിക്കുന്ന കലോത്സവത്തിന്റെ കാമ്പൈന്‍ കിക്കോഫ് ന്യൂയോര്‍ക്കില്‍ നടത്തി. കലാകാരനും, സാമുഹ്യപ്രവര്‍ത്തകനുമായ ഉണ്ണികൃഷ്ണന്‍നായരില്‍ നിന്നും സ്‌പോണ്‍സര്‍ഷിപ് സ്വീകരിച്ചുകൊണ്ട് മുഖ്യകണ്‍വീനര്‍ ജെ. മാത്യൂസ് കാമ്പൈന്‍ ഉത്ഘാടനം നിര്‍വഹിച്ചു. കലാവേദി ഫാമിലിനൈറ്റില്‍ നടത്തപ്പെട്ട ചടങ്ങില്‍ എല്ലാ അംഗങ്ങളും കുടുംബസമേതം പങ്കെടുത്തു. ഒക്ടോബര്‍ 4, 11, 13 തീയതികളിലായി സംഗീത, നൃത്ത, നാടക മത്സരങ്ങളും, ഒക്ടോബര്‍ 25നു കലോത്സവ്അവാര്‍ഡ്‌നൈറ്റും ന്യൂയോര്‍ക്കില്‍ അരങ്ങേറും. 

19 വയസ്സിനു താഴെയുള്ളവര്‍ക്കായാണ് സംഗീത - നൃത്തമത്സരങ്ങള്‍ ക്രമീകരിച്ചിരിക്കുന്നത്. നാടകമത്സരത്തില്‍ ഏതു പ്രായത്തിലുള്ളവര്‍ക്കും പങ്കെടുക്കാം. 1001 ഡോളറിന്റെ ഒന്നാം സമ്മാനം ഉള്‍പ്പടെ മൊത്തം 5000 ഡോളറിന്റെ ക്യാഷ് അവാര്‍ഡുകള്‍ വിതരണം ചെയ്യും. പ്രശസ്ത കലാകാരനും, മലയാളസര്‍വ്വകലാശാലയുടെ വൈസ് ചാന്‍സലറുമായ കെ. ജയകുമാര്‍ ഉത്ഘാടനം ചെയ്യുന്ന കലോത്സവത്തില്‍ മലയാളത്തിലെ അഭിനേതാക്കള്‍ ഉള്‍പ്പടെ പ്രശസ്തര്‍ പങ്കെടുക്കും.