ഡാലസ് സെന്റ് മേരീസ് ഓര്‍ത്തഡോക്‌സ് വലിയപള്ളിയില്‍ പരിശുദ്ധ ദൈവമാതാവിന്റെ വാങ്ങിപ്പ്‌പെരുന്നാള്‍ ആഗസ്ത് 10 മുതല്‍ 17 വരെ ആചരിക്കും. ആഗസ്ത് 10 ന് പെരുന്നാള്‍ കൊടിയേറ്റ് നടക്കും. 15 ന് വൈകീട്ട് മണിക്ക് സന്ധ്യാനമസ്‌കാരം നടക്കും. തുടര്‍ന്ന് \'ദൈവകൃപയുടെ ശാക്തീകരണം\' എന്ന വിഷയത്തെ അധികരിച്ചുള്ള ധ്യാനചിന്തകള്‍ക്ക് ഫാ.ഡോ.വര്‍ഗീസ് എം. ദാനിയേല്‍ നേതൃത്വം നല്‍കും. 

16 ന് 2 മണിക്ക് യുവതീയുവാക്കള്‍ക്കായി \'യവ്വനത്തില്‍ ക്രിസ്തീയ അനുഭവം\' എന്ന വിഷയത്തെ അധികരിച്ച് ചര്‍ച്ചക്ക് ഫാ.ഡോ. വര്‍ഗീസ് എം. ദാനിയേല്‍ നേതൃത്വം നല്‍കും. 7 ന് സന്ധ്യാ നമസ്‌കാരവും ധ്യാന പ്രസംഗവും, തുടര്‍ന്ന് ഭക്തിനിര്‍ഭരമായ റാസയും, ധൂപപ്രാര്‍ത്ഥനയും, ആശീര്‍വാദവും നടക്കും. 17 ന് രാവിലെ 8.30 ന് പ്രഭാതനമസ്‌കാരവും വി.കൂര്‍ബ്ബാനയും, നേര്‍ച്ചവിളമ്പ്, കൊടിയിറക്ക് എന്നിവയും നടക്കും.