കരോള്‍ട്ടണ്‍ സെന്റ് മേരീസ് മലങ്കര ജാക്കൊബൈറ്റ് സിറിയന്‍ ഓര്‍ത്തഡോക്‌സ് ദേവാലയത്തില്‍ വി.ദൈവമാതാവിന്റെ ഓര്‍മ്മപ്പെരുന്നാള്‍ ആഗസ്ത് 16,17 തീയതികളില്‍ നടത്തപ്പെടുന്നു. ഫാ.വിജു അബ്രഹാം മുഖ്യാതിഥിയായിരിക്കും. 

ഫാ.പോള്‍ തോട്ടക്കാട്ട് കൊടി ഉയര്‍ത്തിയതോടെ പെരുന്നാളാഘോഷങ്ങള്‍ക്ക് തുടക്കമായി. 16 ന് വൈകീട്ട് 6.30 ന് സന്ധ്‌യാപ്രാര്‍ത്ഥനയും തുടര്‍ന്ന് 7.15 ന് ഫാ.വിജു അബ്രഹാം നടത്തുന്ന വചനശുശ്രൂഷയും ഉണ്ടായിരിക്കുന്നതാണ്. 
17 ന് രാവിലെ 8.30 ന് പ്രഭാതപ്രാര്‍ത്ഥനയും 9.30 ന് മാത്യൂസ് കാവുങ്കല്‍ കോര്‍ എപ്പിസ്‌കോപ്പ, ഫാ.വിജു അബ്രഹാം, ഫാ.വി.എം.തോമസ് എന്നിവരുടെ കാര്‍മ്മികത്വത്തില്‍ വി.മുന്നിന്മേല്‍ കുര്‍ബാനയും നടക്കും. 
പെരുന്നാളാഘോഷങ്ങള്‍ വിജയിപ്പിക്കുന്നതിനായി ജേക്കബ് സ്‌കറിയയുടെയും യല്‍ദോസ് ജേക്കബിന്റെയും നേതൃത്വത്തില്‍ വിപുലമായ ക്രമീകരണങ്ങള്‍ നടന്നുവരുന്നു. 
ഞായറാഴ്ച 12.30 ന് സ്‌നേഹവിരുന്നോടെ പെരുന്നാളാഘോഷങ്ങള്‍ക്ക് സമാപനമാകും.