ഓസ്‌ട്രേലിയയിലെ മെല്‍ബണ്‍ ആസ്‌ഥാനമായി രൂപീകരിച്ച പുതിയ സീറോ മലബാര്‍ രൂപതയുടെ മെത്രാനായും ന്യൂസിലന്‍ഡിലെ സീറോ മലബാര്‍ വിശ്വാസികള്‍ക്കായുള്ള അപ്പസ്‌തോലിക്‌ വിസിറ്റേറ്ററായും നിയോഗിക്കപ്പെട്ട ബിഷപ്‌ മാര്‍ ബോസ്‌കോ പുത്തൂര്‍ നൈറ്റ്ക്ലിഫിലെ സെന്റ് അല്‍ഫോന്‍സാ സീറോ മലബാര്‍ കാത്തലിക് കമ്മ്യൂണിറ്റിയിലെത്തുന്നു. സെപ്റ്റംബര്‍ 14 ന് നൈറ്റ്ക്ലിഫിലെ സെന്റ് പോള്‍സ് കാത്തലിക് ദേവാലയത്തിലാണ് ചടങ്ങുകള്‍ സംഘടിപ്പിച്ചിരിക്കുന്നത്.

ചടങ്ങുകളുമായി ബന്ധപ്പെട്ട് അന്നേദിവസം രാവിലെ 10.15 ന് മലയാളത്തിലും വിശുദ്ധ കുര്‍ബാന ഉണ്ടായിരിക്കുന്നതാണ്. ദേവാലയത്തിലെ കുട്ടികളുടെ ആദ്യകുര്‍ബാന സ്വീകരണവും തുടര്‍ന്ന് നടത്തപ്പെടും.

സെപ്റ്റംബര്‍ 13 ന് വേദപാഠ ക്ലാസിന് നേതൃത്വം നല്‍കുന്ന അധ്യാപകര്‍ക്ക് ബിഷപ്പുമായി കൂടിക്കാഴ്ചയ്ക്ക് അവസരം ഉണ്ടായിരിക്കുന്നതാണ്. സെപ്റ്റംബര്‍ 14 ന് വൈകിട്ട് 6 മണിയ്ക്ക് കമ്മറ്റി അംഗങ്ങളുമായി ബിഷപ്പ് സംവദിക്കുന്നതായിരിക്കും.