മധ്യപ്രദേശില്‍ സ്വന്തം നായയ്ക്ക് ആധാര്‍ കാര്‍ഡ് സംഘടിപ്പിച്ചു നല്‍കിയതിന് ഒരാള്‍ അറസ്റ്റില്‍. പ്രാദേശികമായി ആധാര്‍ കാര്‍ഡ് വിതരണം ചെയ്യുന്ന ഏജന്‍സിയുടെ സൂപ്പര്‍വൈസറായ അസംഖാനാണ് പിടിയിലായത്. അദ്ദേഹത്തിന്റ ടോമി സിങ് എന്ന പേരിലുള്ള നായക്കാണ് ആധാര്‍ കാര്‍ഡ് എടുത്തത്. ഷേരു സിങ് എന്നാണ് 2009 നവംബര്‍ 26ന് ജനിച്ച ടോമിയുടെ പിതാവിന്റെ പേര് നല്‍കിയിരിക്കുന്നത്. ഇത്തരത്തില്‍ വേറെയും മൃഗങ്ങളുടെയോ തെറ്റായ ആളുകളുടെയോ പേരില്‍ ആധാര്‍കാര്‍ഡ് എടുത്തിട്ടുണ്ടോയെന്ന കാര്യം സ്ഥിരീകരിക്കാന്‍ അസംഖാനെ ചോദ്യംചെയ്യുകയാണ്. ജനങ്ങള്‍ ആധാര്‍ കാര്‍ഡിനു വേണ്ടി നെട്ടോട്ടമോടുമ്പോള്‍ പട്ടിക്കും പശുവിനുമൊക്കെ ഇപ്പോള്‍ ആധാര്‍കാര്‍ഡ് കി്ട്ടികൊണ്ടിരിക്കുകയാണ്. 

ആധാര്‍ കാര്‍ഡുകള്‍ ലഭിക്കുന്നില്ലെന്ന് കിറ്റി ഗ്രാമത്തിലെ ആളുകളുടെ പരാതിയെ തുടര്‍ന്നാണ് പൊലീസ് അസംഖാന്റെ ഏജന്‍സിയില്‍ പരിശോധന നടത്തിയത്. ഇവിടെ നിന്നാണ് നായയുടെ ആധാര്‍ കാര്‍ഡ് കണ്ടെടുത്തത്. സംഭവവുമായി ബന്ധപ്പെട്ട് പൊലീസ് അന്വേഷണം ആരംഭിച്ചു. ഇതേ രീതിയിലുള്ള വേറെ കാര്‍ഡുകളും ഇയാള്‍ തയാറാക്കിക്കൊടുത്തിട്ടുണ്ടെന്നാണ് പോലീസിനു ലഭിച്ചിരിക്കുന്ന പ്രാഥമിക വിവരം. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha