സര്വകലാശാലയോട് പ്രതിഷേധിക്കാന് പിഴസംഖ്യ ചില്ലറകളായി കൊടുത്തു
നോര്ത്ത് കരോലിന സര്വകലാശാലയിലെ വിദ്യാര്ത്ഥിയാണ് പ്രതിഷേധത്തിന്റെ ഭാഗമായി സര്വകലാശാലാ അധികൃതര്ക്ക് പണികൊടുക്കാന് ചില്ലറനാണയങ്ങളെ കൂട്ടുപിടിച്ചത്. പക്ഷേ അത് ഒരു ഒന്നൊന്നര പണിതന്നെയായിരുന്നു!
സംഭവം ഇങ്ങനെ: കാമ്പസില് അനധികൃതമായി വാഹനം പാര്ക്ക് ചെയ്താല് ഏഴായിരം രൂപയാണ് ( 110 $) പിഴയൊടുക്കേണ്ടത്. സ്റ്റീഫന് കോയ്ലിക്കെതിരെ പിഴ ചുമത്തിയിരുന്നു. ഈ തുക സര്വകലാശാല എന്താണ് ചെയ്യുന്നതെന്ന് സ്റ്റീഫന് അന്വേഷിച്ചു. പിഴപ്പണത്തിന്റെ 20 ശതമാനം പാര്ക്കിംഗ് ജീവനക്കാര്ക്ക് ശമ്പളം നല്കാന് ഉപയോഗിക്കുമ്പോള് 80 ശതമാനം നോര്ത്ത് കരോലിനയിലെ പബ്ലിക് സ്കൂളുകള്ക്കുള്ള സര്ക്കാര് ഫണ്ടിലേക്കാണ് പോകുന്നത്. പ്രശ്നങ്ങളും അപര്യാപ്തതകളും ഏറെയുള്ള സര്വകലാശാലാ കാമ്പസിനുവേണ്ടി ഇതില് നിന്ന് ഒരുപൈസപോലും ചെലവഴിക്കുന്നില്ല എന്നും വ്യക്തമായി. ഇതോടെയാണ് പ്രതിഷേധിക്കാന് സ്റ്റീഫന് തീരുമാനിച്ചത്. പിഴസംഖ്യ ഒരു പെന്സിന്റെ (ഒരു പൈസത്തുട്ട്) ചില്ലറകളായി കൊടുത്ത് പ്രതിഷേധിക്കാനായിരുന്നു തീരുമാനം. പിന്നെ ബാങ്കുകള് കയറിയിറങ്ങി നാണയങ്ങള് ശേഖരിച്ച് പെട്ടികളില് നിറച്ചു.
![\"\"](\"/userfiles/PENCE.jpg\")
സൂപ്പര്വൈസര്ക്ക് തന്റെ പ്രതിഷേധത്തെക്കുറിച്ച് വ്യക്തമാക്കി ഇ മെയില് അയച്ചു. ചില്ലറ തരുന്നത് കൊള്ളാം, ഉദ്യോഗസ്ഥര്ക്കു മുന്നില് സ്റ്റീഫന് തന്നെ എണ്ണിത്തിട്ടപ്പെടുത്തണം എന്ന നിര്ദ്ദേശം സൂപ്പര്വൈസര് വച്ചു. പറ്റില്ലെന്ന് വ്യക്തമാക്കിയതോടെ സൂപ്പര്വൈസര് മുട്ടുമടക്കി. തൊട്ടടുത്ത ദിവസം സ്റ്റീഫണ് നാണയങ്ങള് നിറച്ച പെട്ടി ജീവനക്കാര്ക്ക് കൈമാറി. രണ്ട് ജീവനക്കാര് നാലുമണിക്കൂര് കൊണ്ടാണ് 1100 നാണയങ്ങള് എണ്ണിത്തിട്ടപ്പെടുത്തിയത്.
സ്റ്റീഫന്റെ പ്രതിഷേധം അംഗീകരിക്കുന്നതായി സര്വകലാശാല വ്യക്തമാക്കി. തന്റെ പ്രതിഷേധത്തെക്കുറിച്ച് സോഷ്യല് മീഡിയയിലൂടെ മാലോകരെ അറിയിക്കുകയും ചെയ്തു. നൂറുകണക്കിനുപേരാണ് പിന്തുണയുമായി എത്തിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
