കുരങ്ങ് കൊണ്ടുപോയ പിഞ്ചുകുഞ്ഞ് വെള്ളത്തില് വീണ് മരിച്ചു
കുരങ്ങ് എടുത്തുകൊണ്ടുപോയ, രണ്ടു മാസം പ്രായമുള്ള കുട്ടി ടാങ്കിലെ വെള്ളത്തില് വീണു മരിച്ചു. രാജസ്ഥാനിലെ ദൗസ ജില്ലയിലെ റസീദ്പുര ഗ്രാമത്തിലാണു ദുരന്തമുണ്ടായത്. അടുത്തകാലത്തായി ഇവിടെ കുരങ്ങുശല്യം ഏറിയതായി നാട്ടുകാര് പരാതിപ്പെടുന്നതിനിടെയാണ് കുരങ്ങിന്റെ വിളയാട്ടത്തില് കുരുന്നുജീവന് പൊലിഞ്ഞത്.
ശനിയാഴ്ചയാണ് വാതില് തള്ളിത്തുറന്നു വീടിനുള്ളിലെത്തിയ കുരങ്ങ് കട്ടിലില് ഉറങ്ങിക്കിടന്ന കുട്ടിയെ എടുത്തുകൊണ്ട് ഓടിയത്. വീട്ടിലുള്ളവര് ബഹളംവച്ചു പിന്നാലെ എത്തിയപ്പോഴേക്കും കുട്ടിയെയുംകൊണ്ടു കുരങ്ങ് കെട്ടിടത്തിന്റെ മുകളില് എത്തിയിരുന്നു. ബഹളം കേട്ട് ഓടിമറയാന് ശ്രമിച്ച കുരങ്ങിന്റെ ചുവടു തെറ്റിയപ്പോള് കൈയിലിരുന്ന കുട്ടി താഴെ വെള്ളം നിറഞ്ഞ ടാങ്കില് വീഴുകയായിരുന്നു. കുട്ടിയെ വീട്ടുകാര് ആശുപത്രിയില് എത്തിച്ചെങ്കിലും മരണം സംഭവിച്ചിരുന്നു. കുരങ്ങുശല്യം തടയുന്നതിന് അധികൃതര് നടപടിയെടുക്കാത്തതില് പ്രതിഷേധിച്ചു ഗ്രാമീണര് ധര്ണ നടത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha