എറണാകുളം ജില്ലാ കളക്ടറുടെ ഫേസ്ബുക്ക് പേജ് മഴയില്‍ കുതിരുന്നു!
തുടര്‍ച്ചയായി പെയ്യുന്ന മഴയില്‍ കേരളം നനഞ്ഞു കുളിക്കുകയാണ്.ഈ സാഹചര്യത്തില്‍ അതിരസകരമായ സംഭവമാണ് എറണാകുളം ജില്ലാ കളക്ടറുടെ ഫേസ്ബുക്ക് പേജില്‍ അരങ്ങേറുന്നത്. ഒരു ദിവസമെങ്കില്‍ ഒരു ദിവസമെങ്കിലും സ്‌കൂളില്‍ നിന്നും അവധിയെടുത്ത് വീട്ടില്‍ വെറുതെ ഇരിക്കുവാന്‍ ഇഷ്ടപ്പെടുന്ന കുട്ടികള്‍, അവധി പ്രഖ്യാപിച്ചു എന്ന വാര്‍ത്തയ്ക്കു വേണ്ടി ഇമചിമ്മാതെ കാത്തിരിക്കുകയാണ്.
കളക്ടര്‍ മുഹമ്മദ് വൈ. സഫിറുള്ളയുടെ ഫേസ്ബുക്ക് പേജിലെ പോസ്റ്റുകള്‍ക്ക് താഴെ നൂറുകണക്കിന് വിദ്യാര്‍ഥികളാണ് അവധി നല്‍കണമേ എന്ന് അപേക്ഷാസ്വരത്തില്‍ അഭ്യര്‍ഥിക്കുന്നത്. സിനിമകളിലെ പഞ്ച് ഡയലോഗുകള്‍ ഈ അഭ്യര്‍ഥനയ്ക്കായി ഉപയോഗിച്ചിരിക്കുന്നതാണ് ഏറെ രസകരം. വിപ്ലവ സിംഹമേ എന്നാണ് ചില കുട്ടികള്‍ കളക്ടറെ അഭിസംബോധന ചെയ്തിരിക്കുന്നത്.
കളക്ടര്‍ അവധി പ്രഖ്യാപിച്ചപ്പോളിതാ പിന്നീട് നന്ദി പ്രകടനമായി. നന്ദി പറഞ്ഞ് അവസാനിപ്പിക്കുമ്പോള്‍ നാളെ കൂടിയും അവധി നല്‍കണമേ എന്നാണ് വീണ്ടും അപേക്ഷ. എന്നാല്‍, വിപ്ലവ സിംഹം കനിഞ്ഞതു കൊണ്ട് വീട്ടില്‍ സമാധാനമില്ലെന്നും സ്‌കൂളിന് അവധി നല്‍കരുതെന്നുമാണ് ഒരു പിതാവിന്റെ ആവശ്യം. എന്തൊക്കെയായാലും കളക്ടറുടെ പേജിലെ സംഭവവികാസങ്ങള്‍ ട്രോളന്മാര്‍ക്ക് ആഘോഷത്തിന് അവസരമായി.
https://www.facebook.com/Malayalivartha
