വാഹനത്തിന് തീ പിടിച്ചത് പെട്രോള് പമ്പില് വച്ച്, ജീവനക്കാരിയുടെ മനസാന്നിദ്ധ്യം അപകടമൊഴിവാക്കി!
പെട്രോള് പമ്പില് നിന്നും ഇന്ധനം നിറയ്ക്കുവാന് കാത്തുനിന്നിരുന്ന ഒരു വാഹനത്തിന് തീ പിടിച്ചു. ജീവനക്കാരുടെ സമയോചിതമായ ഇടപെടലിനെ തുടര്ന്ന് വലിയ അപകടമാണ് ഒഴിവായത്. ചൈനയിലെ ജിയാന്സി പ്രവശ്യയിലാണ് ഏവരെയും ഞെട്ടിച്ച സംഭവം നടന്നത്.
ഇന്ധനം നിറയ്ക്കുവാനായി മുച്ചക്ര വാഹനവുമായി ഒരാള് ആദ്യം ഇവിടേക്കു വരുന്നതാണ് ദൃശ്യങ്ങളില് കാണുന്നത്. നിര്ത്തിയിട്ടിരിക്കുന്ന വാഹനങ്ങള്ക്ക് പിന്നിലായി ഇന്ധനം നിറയ്ക്കുവാനായി ഇദ്ദേഹം കാത്തു നില്ക്കുമ്പോള് ഈ വാഹനത്തിന് തീപിടിക്കുകയായിരുന്നു.
സംഭവം കണ്ട് എല്ലാവരും ഞെട്ടിപ്പിടഞ്ഞ് ഓടുമ്പോള് മനസാന്നിധ്യം നഷ്ടപ്പെടാതിരുന്ന ജീവനക്കാരിലൊരാള് ഫയര് എക്സ്റ്റിംഗൂഷര് ഉപയോഗിച്ച് വാഹനത്തിലെ തീയണയ്ക്കുകയായിരുന്നു.
സമീപത്തെ സിസിടിവിയില് പതിഞ്ഞ ദൃശ്യങ്ങള് സോഷ്യല് മീഡിയായില് പ്രചരിച്ചതിനെ തുടര്ന്ന് ജീവനക്കാര്ക്ക് അഭിനന്ദനവുമായി നിരവധിയാളുകളാണ് രംഗത്തെത്തിയിരിക്കുന്നത്.
https://www.facebook.com/Malayalivartha
