സൂക്ഷ്മമായി വീക്ഷിച്ച് പരിസരം വിലയിരുത്തിയതിന് ശേഷം കൃത്യതയോടെ ഓരോ ചുവടും വെച്ചാണ് മോഷ്ടാക്കള്‍ തങ്ങളുടെ പണി നടത്തുന്നത്.

എന്നാല്‍ ഡല്‍ഹിയില്‍ അടുത്തിടെ നടന്നയൊരു മോഷണത്തിന്റെ സിസിടിവി ദൃശ്യങ്ങള്‍ കണ്ട് പൊട്ടിച്ചിരിക്കുകയാണ് പോലീസുദ്യോഗസ്ഥര്‍ അടക്കമുള്ളവര്‍.

കാരണം മോഷണം നടത്തുന്നതിനു മുമ്പ് മൂന്നംഗ മോഷ്ടാക്കളില്‍ ഒരാള്‍ നൃത്തം ചെയ്യുന്നതാണ് ദൃശ്യങ്ങളിലുള്ളത്.

സംഭവം നടന്നത് ഡല്‍ഹിയില്‍ ആണ്. നൃത്തത്തിനൊടുവില്‍ മറ്റു രണ്ടു പേരും സ്ഥലത്തേക്ക് എത്തുമ്പോള്‍ ഇദ്ദേഹം മുഖം മറച്ച് തന്റെ ജോലിയിലേക്ക് പ്രവേശിക്കുകയും ചെയ്യുന്നത് ദൃശ്യങ്ങളില്‍ വ്യക്തമാണ്.