കഴിഞ്ഞ വര്ഷം 82 ലക്ഷത്തോളം രൂപയുടെ മോഷണമുതല് വീണ്ടെടുത്ത് ഉടമസ്ഥനെ തിരികെ ഏല്പ്പിച്ച പോലീസിനോട് യുവാവ് പരാതിപ്പെട്ടു; അവള് എന്റെ ഹൃദയം മോഷ്ടിച്ചു!
മഹരാഷ്ട്രാപോലീസ് ഒരു കേസിന്റെ കാര്യത്തില് പുലിവാല് പിടിച്ചിരിക്കയാണ്. നാഗ്പൂര് സ്വദേശിയായ യുവാവിന്റെ പരാതിയാണ് ഇത്തരത്തില് പോലീസുകാരെ കുടുക്കിയിരിക്കുന്നത്.
ഒരു പെണ്കുട്ടി തന്റെ ഹൃദയം എടുത്തുകൊണ്ട് പോയെന്നും അത് കണ്ടെത്തി തിരികെ ഏല്പ്പിക്കണമെന്നുമാണ് പരാതിയുള്ളത്.
വസ്തുക്കള് കാണാതായി എന്നുള്ള പരാതികളില് പോലീസ് നടപടിയെടുക്കാറുണ്ടെങ്കിലും ഈ പരാതിയില് എന്തുചെയ്യണമെന്ന് അറിയാതെ കുഴങ്ങിയിരിക്കുകയാണ് പോലീസ്.
തുടര്ന്ന് പോലീസ് ഉദ്യോഗസ്ഥന് മുതിര്ന്ന ഉദ്യോഗസ്ഥരിലേക്ക് പരാതി കൈമാറുകയായിരുന്നു. തുടര്ന്ന് ഉന്നത ഉദ്യോഗസ്ഥര് ഇടപെട്ട് പരാതിക്കാരനുമായി സൗഹാര്ദ്ദപരമായി സംസാരിച്ച് കാര്യങ്ങള് മനസ്സിലാക്കുകയും ചെയ്തു.
ഇന്ത്യന് ഭരണഘടനയിലെ ഒരു നിയമവും വച്ച് തങ്ങള്ക്ക് ഈ പരാതിയില് ഇടപെടാനാകില്ലെന്ന് പോലീസ് ഉദ്യോഗസ്ഥര് പറഞ്ഞു. തങ്ങള്ക്ക് ഈ വിഷയത്തില് ഒന്നും ചെയ്യാനാകില്ലെന്നും അവര് പരാതിക്കാരനോട് പറഞ്ഞു.
കഴിഞ്ഞ വര്ഷം 82 ലക്ഷം മോഷ്ടിക്കപ്പെട്ട മുതല് ഉടമസ്ഥന് തിരികെ നല്കിയെന്ന് അടുത്തിടെ സംഘടിപ്പിച്ച ചടങ്ങില് നാഗ്പൂര് പോലീസ് കമ്മീഷണര് ഭൂഷണ് കുമാര് ഉപാധ്യായ പറഞ്ഞിരുന്നു.
https://www.facebook.com/Malayalivartha
