ഇറ്റലിയിലെത്തിയാല് 81 രൂപ കൊടുത്ത് വീട് വാങ്ങി താമസമാക്കാം! പിന്നെ അല്ലറ ചില്ലറ ചെലവുകള്ക്കായി ഒരു 16 ലക്ഷം രൂപ അടയ്ക്കണം! ഈ തുക തിരികെ നല്കും, കേട്ടോ...!
അങ്ങ് ഇറ്റാലിയന് ദ്വീപായ സിസിലി വരെ പോയാല് വെറും ഒരു യൂറോ(81 രൂപ) കൊടുത്ത് ഒരു വീട് സ്വന്തമാക്കാം.
മലനിരകളിലുള്ള പുരാതന പാര്പ്പിടങ്ങളാണ് ഒരു യൂറോയ്ക്ക് ഇവിടത്തെ തദ്ദേശ ഭരണകൂടം വില്പ്പനയ്ക്ക് വച്ചിരിക്കുന്നത്. ജനസംഖ്യ തീര്ത്തും കുറഞ്ഞിരിക്കുന്ന ഈ പ്രദേശത്തേക്ക് കൂടുതല് ആളുകളെ ആകര്ഷിക്കുന്നതിന്റെ ഭാഗമായാണ് ഈ വീടു വില്പ്പന.
വീടിന്റെ വിലയായി ഒരു യൂറോ നല്കിയാല് മതിയെങ്കിലും വേറെ കുറച്ചു ചെലവുകള്, വാങ്ങുന്നയാള്ക്ക് ഉണ്ടാകും. ഈ പ്രദേശത്തുള്ള കെട്ടിടങ്ങള് മിക്കവയും വളരെ പഴക്കം ചെന്നവയാണ്.
അവ തദ്ദേശ ഭരണകൂടംതന്നെ നന്നാക്കി കൊടുക്കും. എന്നാല് വീടു വാങ്ങുന്നവര് അടുത്ത മൂന്നുവര്ഷംകൊണ്ട് ഇതിനായി ഏകദേശം 12 ലക്ഷം രൂപ അടയ്ക്കണം.
പോരാത്തതിന് സെക്യൂരിറ്റി ഫണ്ടായി നാലു ലക്ഷം രൂപയും നല്കണം. വീടിന്റെ അറ്റകുറ്റപ്പണികള് പൂര്ത്തിയാകുന്ന മുറയ്ക്ക് ഈ തുക തിരികെ നല്കും.
https://www.facebook.com/Malayalivartha
