കറുപ്പാകാന് ആഗ്രഹിച്ച് മരുന്ന് കുത്തി വച്ച് കറുത്തു, ഇനി ആഗ്രഹം കറുത്ത കുഞ്ഞിനായി !
ത്വക്കിന്റെ നിറം കറുപ്പായി മാറുവാന് മരുന്ന് കുത്തിവച്ച് ജീവിക്കുന്ന ദമ്പതികള് തങ്ങള്ക്ക് കറുത്ത നിറമുള്ള കുട്ടികള് ഉണ്ടാകുമെന്ന് പ്രതീക്ഷിക്കുന്നു. കറുത്ത വര്ഗക്കാരായി മാറുവാന് ആത്മാര്ത്ഥമായി പരിശ്രമിക്കുന്നത് ജര്മന് സ്വദേശിയായ മോഡല് മാര്ട്ടീന ബിഗ്, ഭര്ത്താവ് മൈക്കല് യുര്വനുമാണ്.
സിന്തറ്റിക് ഹോര്മോണായ മെലാനോടോനാണ് ത്വക്കിന്റെ നിറം കറുപ്പായി മാറുന്നതിന് ഇവര് ഉപയോഗിക്കുന്നത്. ദീര്ഘനാളുകളായി ഇവര് ഈ മരുന്ന് ഉപയോഗിക്കുന്നുണ്ട്.
ഇതിനെ തുടര്ന്ന് മാര്ട്ടീന ബിഗിന്റെ ത്വക്ക് പൂര്ണമായും കറുത്ത നിലയിലായി. തങ്ങള്ക്ക് ജനിക്കുന്ന കുട്ടികള് കറുത്ത നിറമുള്ളവരാകുമെന്ന് ഡോക്ടര്മാര് അറിയിച്ചതായി 'ദിസ് മോണിംഗ്' എന്ന പരിപാടിയില് പങ്കെടുക്കവെയാണ് ദമ്പതികള് അറിയിച്ചത്.
എന്നാല് ഈ വാദങ്ങള്ക്ക് കഴമ്പില്ലെന്നാണ് പരിപാടിയുടെ പ്രേക്ഷകര് ട്വീറ്ററിലൂടെ അഭിപ്രായപ്പെടുന്നത്. കാരണം ഡിഎന്എ പ്രകാരം അവര്ക്ക് ജനിക്കുന്ന കുട്ടിക്ക് വെളുത്ത നിറമായിരിക്കുമെന്നാണ് എല്ലാവരും പറയുന്നത്.
എന്നാല് ജനിക്കുന്ന കുട്ടി കറുത്തതല്ലെങ്കിലും ജനിതകപരമായി കുട്ടിയുടെ നിറം കറുത്തതാക്കാന് ശ്രമിക്കുമെന്നും മാര്ട്ടീന പറയുന്നു.
https://www.facebook.com/Malayalivartha