ടൊവിനോയ്ക്കുള്ള പൃഥ്വിയുടെ പിറന്നാള് ആശംസകള്ക്ക് ട്രോള്
പൃഥ്വിരാജിന്റെ, ടൊവീനോയ്ക്കുള്ള പിറന്നാള് സന്ദേശത്തെ ട്രോളാക്കി ആരാധകര്. പിറന്നാള് ആശംസകള് സഹോദരാ' എന്നായിരുന്നു പൃഥ്വിയുടെ സന്ദേശം. ലൂസിഫറിന്റെ ലൊക്കേഷനില് ഇരുവരും ഒന്നിച്ചുള്ളൊരു ചിത്രവും അതിനോടൊപ്പം അദ്ദേഹം പങ്കുവെച്ചു. അതിന് ഒരാള് എഴുതിയ രസകരമായ കമന്റാണ് ഇപ്പോള് ട്രോള് പേജുകളില് വൈറലായിരിക്കുന്നത്.
'അയച്ചു കിട്ടിയ ആശംസാകാര്ഡും കൊണ്ട് പൃഥ്വിയുടെ വീട്ടില് ചെന്ന് അതിലെഴുതിയിരിക്കുന്നതിന്റെ അര്ത്ഥം ചോദിക്കുന്ന ടൊവിനോ'.രാജീവ് കെ.ജി. എന്ന ആരാധകനാണ് കമന്റിന്റെ ഉടമ. രസകരമായ പ്രതികരണങ്ങളാണ് ഈ കമന്റിന് താഴെയായി ലഭിക്കുന്നതും.
ഇതുപോലെ രസകരമായ കമന്റുകള് വേറെയുമുണ്ട്. 'സിംപിള് ആക്കി പറഞ്ഞത് കാര്യമായി... അല്ലെങ്കില് നിങ്ങള് പോസ്റ്റിയ ഹാപ്പി ബര്ത് ഡേയുടെ അര്ഥം മനസിലാക്കാന് ടൊവിനോച്ചായന് ഒരു മാസം ഇംഗ്ലിഷ് ട്യൂഷന് പോകണ്ടി വന്നേനെ...'
'ആ കാണുന്ന പേപ്പര്, രാജു ഏട്ടന് പിറന്നാള് ആശംസകള് കൊടുത്തതാണ്, ഒന്നും മനസ്സിലാവാതെ നോക്കുകയാണെന്ന് ടൊവീനോച്ചായന്റെ നിപ്പുകണ്ടാല് അറിയാം'.
ലൂസിഫര് ഷൂട്ടിങ് പൂര്ത്തീകരിച്ചതിനെക്കുച്ച് പൃഥ്വിരാജ് പങ്കുവെച്ച പോസ്റ്റിന് ആരാധകനൊരുക്കിയ രസകരമായ പരിഭാഷയും കഴിഞ്ഞദിവസം വൈറലായിരുന്നു.
https://www.facebook.com/Malayalivartha