ലണ്ടന്‍ സ്വദേശിയായ ഡെബ്ര ഗൊദാര്‍ദ് 33 വര്‍ഷങ്ങള്‍ക്കു മുന്‍പ് 10 പൗണ്ട് (925 രൂപ) നല്‍കി മോഹിച്ച് വാങ്ങി ഒരു മോതിരം. കഴിഞ്ഞ 15 വര്‍ഷങ്ങളായി ഡെബ്ര ഈ മോതിരം അണിയാതെ മാറ്റിവച്ചിരിക്കയായിരുന്നു. 22 വയസുളളപ്പോള്‍ വിലപേശി ഡെബ്ര വാങ്ങിയതാണ് ഈ മോതിരം.

അടുത്തിടെ ഡെബ്രയുടെ മാതാവ് സാമ്പത്തിക തട്ടിപ്പിന് ഇരയായി. അപ്പോഴാണ് ഈ മോതിരം വില്‍ക്കാന്‍ ഡെബ്ര തീരുമാനിച്ചത്. മോതിരം വിറ്റ് കുറച്ച് പണമുണ്ടാക്കി സാമ്പത്തിക പ്രതിസന്ധിക്ക് ആശ്വാസം കണ്ടെത്താനാകുമെന്ന് കരുതി ആയിരുന്നു ഒരു ജ്വല്ലറിയില്‍ എത്തിയത്.

വര്‍ഷങ്ങള്‍ പഴക്കമുളള മോതിരമായതിനാലും ഇത്തരം മോതിരങ്ങള്‍ അപൂര്‍വ്വമായതിനാലും ഏതാനും ഡോളറുകള്‍ ലഭിക്കുമെന്ന പ്രതീക്ഷയിലായിരുന്നു ഡെബ്ര. എന്നാല്‍ എന്നാല്‍ 25.27 കാരറ്റ് വജ്രമാണ് അതില്‍ പതിച്ചിട്ടുള്ളതെന്ന് ജ്വല്ലറിയില്‍ വെച്ചാണ് അറിഞ്ഞത്. 7,40,000 പൗണ്ട് (ഏകദേശം 6 കോടി 82 ലക്ഷം രൂപ) ആണ് മോതിരത്തിന് വിലയിട്ടത്.

താന്‍ അക്ഷരാര്‍ത്ഥത്തില്‍ അമ്പരന്നു പോയെന്നും എന്റെ അമ്മ കൊളളയടിക്കപ്പെട്ടതിന് പിന്നാലെയാണ് ഇങ്ങനെയൊരു ഭാഗ്യം ഉണ്ടായത്. ദൈവം കരുതി വെച്ചതാണതെന്നും ഡെബ്ര പറയുന്നു. 22 വയസുളളപ്പോള്‍ വാങ്ങിയ ആ മോതിരത്തിന്റെ യഥാര്‍ത്ഥ വിലയറിഞ്ഞത് മൂന്ന് പതിറ്റാണ്ടുകള്‍ക്ക് ശേഷം 55-ാം വയസില്‍ ആയിരുന്നു!