രണ്ടു മനസ്സുകൾ തമ്മൽ ഒന്ന് ചേരണമെന്ന് തീരുമാനിച്ചാൽ പിന്നെ പ്രതിബന്ധങ്ങളൊന്നും തന്നെ പ്രശ്നമല്ല കൊടുങ്കാറ്റുണ്ടായാലും കല്യാണം കഴിക്കും, ആർക്കും ഞങ്ങളെ തടയാനാവില്ല എന്ന് പറഞ്ഞ് യുവാവും യുവതിയും..

വിവാഹം കഴിക്കുന്നതിന്റെ ദിവസങ്ങൾക്ക് മുൻപ് കൊടുകാറ്റുണ്ടായാൽ മിക്കവാറും ആളുകൾ കല്യാണം പോലെ പ്രധാനപ്പെട്ട ചടങ്ങുകൾ കുറച്ചു ദിവസത്തേക്ക് മാറ്റി വെയ്ക്കും. കൂടെ മലവെള്ളപാച്ചിലും, ചെറിയ രീതിയിൽ വെള്ളപ്പൊക്കവും ഉണ്ടെങ്കിലത്തെ കാര്യം പിന്നെ പറയുകയും വേണ്ട. എല്ലാം ശാന്തമായതിനു ശേഷം മതി വിവാഹം എന്ന് തീരുമാനിക്കാൻ ആർക്കും രണ്ടാമതൊന്നു ആലോചിക്കേണ്ടി വരില്ല. ജീവനേക്കാൾ വലുതല്ലല്ലോ കല്യാണം?

എന്നാൽ ഫിലിപൈൻസിലെ ഒരു യുവാവും യുവതിയും എല്ലാവരെയും ഞെട്ടിച്ചിരിക്കുകയാണ് . ഇനി ആകാശം ഇടിഞ്ഞു വീണാലും കല്യാണം കഴിക്കുകതന്നെ എന്ന് അവർ ഉറച്ച തീരുമാനം എടുക്കുകയായിരുന്നു .

ഫിലിപൈൻസിലെ ഉൾഗ്രാമമായ മേബിനേയ് എന്ന സ്ഥലത്താണ് രംഗം. റോണിൽ ഗുല്ലിപ്യുടെയും ജിസിൽ മാസ്വേലയും വിവാഹത്തിനായി ഒരുങ്ങി പള്ളിയിലേക്ക് ഇറങ്ങി. പക്ഷെ കഴിഞ്ഞ ദിവസങ്ങളിലായി വീശിയടിച്ച മൊലവേ കൊടുങ്കാറ്റ് പള്ളിയിലേക്കുള്ള വഴിയിൽ നാശം വിതച്ച കാര്യം റോണിലും, ജിസിലും പ്രതീക്ഷിച്ചില്ല.

കല്യാണ സ്യൂട്ടും ഗൗണും ധരിച്ചെത്തിയ വധൂവരന്മാർക്ക് മുൻപിൽ വഴിയടഞ്ഞു, മലവെള്ളപ്പാച്ചിൽ. എങ്കിലും വിട്ടുകൊടുക്കാൻ രണ്ടുപേരും തയ്യാറായില്ല. ഗൗൺ പൊക്കിപ്പിടിച്ച് വെള്ളകെട്ട് കടക്കാൻ ജിസിലും ഷൂ അഴിച്ചു പാന്റ് പൊക്കി റോണിലും സാഹസികമായി പ്രതിബന്ധം മറികടക്കാൻ തന്നെ തീരുമാനിച്ചു. കൂടെയുള്ളവരും ഈ ഉദ്യമത്തിൽ ചേർന്നപ്പോൾ രംഗം ഉഷാറായി. എല്ലാവരും കൂടെ ഒത്തു ചേർന്നപ്പോൾ മലവെള്ളപാച്ചിലിനെ തോൽപ്പിച്ച് റോണിലും, ജിസിലും പള്ളിയിലേക്ക്

ജിസിലിന്റെ ബന്ധുവായ ജോസഫൈൻ ഈ രംഗം മുഴുവൻ ക്യാമെറയിൽ പകർത്തി. ഫോട്ടോയെടുക്കുന്നുണ്ട് എന്ന് മനസ്സിലായതോടെ പേടി ഉള്ളിലൊതുക്കി വധൂ വരന്മാർ ചിരിക്കാൻ ആരംഭിച്ചു എന്ന് ജോസഫൈൻ... തുടക്കത്തിൽ മടിച്ചു നിന്നത് റോണിൽ ആയിരുന്നു എന്നും എന്നാൽ ജിസിൽ ധൈര്യം പകർന്നതോടെ ഇരുവരും മലവെള്ളപ്പാച്ചിൽ മുറിച്ചു കടക്കാൻ തീരുമാനിച്ചു എന്നും ജോസഫൈൻ പറഞ്ഞു.

മഴ മൂലം വിവാഹം നടന്ന പളളിയിൽ തന്നെയാണ് റോണിലിന്റെയും, ജിസിലിന്റെയും കല്യാണ വിരുന്നും നടന്നത്. എന്തായാലും പ്രതിബന്ധങ്ങളെ പ്രതിരോധിച്ചു റോണിലും, ജിസിലും വിവാഹം നടന്നതിൽ എല്ലാവരും ഹാപ്പി ആണ്