തന്നെ കടിച്ച തെരുവ് നായയെ തിരിച്ചു കടിച്ച് പത്താം ക്ലാസുകാരന്; നായ ചത്തു, കുട്ടിക്ക് പരിക്ക്; സംഭവം കോഴിക്കോട്; തെരുവ് നായയുടെ ആക്രമണത്തില് കുട്ടിയൊടൊപ്പം ഉണ്ടായിരുന്ന ഏഴു വയസുക്കാരന് ഗുരുതര പരിക്ക്
തന്നെ ആക്രമിക്കാനെത്തിയ തെരുവ് നായയെ തിരിച്ച് ആക്രമിച്ച് പത്താം ക്ലാസുകാരന്. സംഭവത്തില് വിദ്യാര്ത്ഥിക്ക് നായയുടെ കടിയേല്ക്കുകയും നായ ചാകുകയും ചെയ്തു. വടകര എളയടത്താണ് സംഭവം. പത്താം ക്ലാസുകാരന് ഇയാസ് അബ്ദുള്ളക്കാണ് കടിയേറ്റത്. രണ്ടാഴ്ച മുമ്പ് നിരവധി പേരെ കടിച്ചതിന് പിന്നാലെ ഇന്നലെയും നിരവധി പേര്ക്കാണ് നായയുടെ കടിയേറ്റത്. ഇതിന് പിന്നാലെയാണ് തന്നെ കടിക്കാന് വന്ന നായയെ ഇയാസ് നേരിട്ടത്.
പരിക്കേറ്റ ഇയാസ് അബ്ദുള്ള വടകര താലൂക്ക് ഹോസ്പിറ്റലില് ചികിത്സ നേടി. ആര്എസി ഹൈസ്കൂള് പത്താം തരം വിദ്യാര്ത്ഥിയായ ഇയാസ് അബ്ദുള്ളയെ കടിച്ച ഉടന് തന്നെ നായയെ ഇയാസ് അബ്ദുള്ള സാഹസികമായി കീഴ്പ്പെടുത്തി കൊല്ലുകയായിരുന്നു. ഇയാസിനെ കൂടാതെ മരുന്നൂര് റഷീദിന്റെ മകന് മുഹമ്മദ് സയാനും (7) പരിക്കേറ്റു.
രയരോത്ത് മുഹമ്മദിന്റെ മകനാണ് ഇയാസ്. ഗുരുതരമായി കടിയേറ്റ മുഹമ്മദ് സയാനെ കോഴിക്കോട് മെഡിക്കല് കോളേജില് പ്രവേശിപ്പിച്ചിരിക്കുകയാണ്. ആക്രമകാരിയായ നായയെ കൊലപ്പെടുത്തിയതിന്റെ ആശ്വാസത്തിലാണ് പ്രദേശവാസികള്. പത്താം തരം വിദ്യാര്ഥിയുടെ ധീരതയെ പ്രശംസിച്ച് നാട്ടുകാര് രംഗത്തെത്തി.
https://www.facebook.com/Malayalivartha
