കള്ളനെ രക്ഷപ്പെടുത്തിയത് പോലീസ് !
മോഷണത്തിനിടെ അപകടത്തിലായ കള്ളനെ രക്ഷപ്പെടുത്താന്‍ അവസാനം പോലീസ് തന്നെ വരേണ്ടിവന്നു. ഫുജിയാങിലെ പുടിയാന്‍ നഗരത്തിലായിരുന്നു സംഭവം.
ഇവിടുത്തെ ഒരു സ്‌റ്റോര്‍ കൊള്ളയടിക്കാനാണ് കള്ളന് എത്തിയത്. സിസിടിവിയില്‍ കള്ളന്റെ ദൃശ്യങ്ങള്‍ പതിഞ്ഞിട്ടുണ്ട്. വെളുപ്പിനെ നാല് മണിക്ക് മോഷണവുമായി ഷട്ടറിനിടയിലൂടെ ഇറങ്ങിയ കള്ളന്റെ കാല്‍ സ്‌റ്റോറിന്റെ ഷട്ടറില്‍ കുടുങ്ങുകയായിരുന്നു.
ഷട്ടര്‍ വന്ന് അടഞ്ഞാണ് കാല്‍ കുടുങ്ങിയത്. എത്ര ശ്രമിച്ചിട്ടും കാല്‍ വലിച്ച് എടുക്കാന്‍ കള്ളന് സാധിച്ചില്ല. തുടര്‍ന്ന് തറയില്‍ കിടന്ന് കൊണ്ടും കാല്‍ വലിച്ചെടുക്കാന്‍ കള്ളന് ശ്രമിച്ചു, എന്നാല്‍ നിരാശയായിരുന്നു ഫലം.
ഇതിനിടയില്‍ നേരം പുലര്‍ന്നു. ആളുകള്‍ എത്തിയതോടെ കള്ളനെ കണ്ടുപിടിച്ചു. തുടര്‍ന്ന് ഇവര്‍ പോലീസില്‍ വിവരം അറിയിച്ചു. പോലീസ് എത്തി, ഷട്ടറില്‍ നിന്ന് കള്ളനെ രക്ഷിച്ച ശേഷം അറസ്റ്റ് ചെയ്തു.
https://www.facebook.com/Malayalivartha
