അവതാരകയും പാചക വിദഗ്ധയുമായ ലക്ഷ്മി നായർ പ്രോഗ്രാമിന്റെ ഭാഗമായി രുചിഭേദം തേടി ഒരുപാട് സ്ഥലങ്ങളിൽ യാത്രകൾ നടത്താറുണ്ട്. ഇത്തരത്തിൽ യാത്രയ്ക്കിടെ തനിക്കും ഒപ്പമുണ്ടായിരുന്നവർക്കും ഉണ്ടായ ഭയപ്പെടുത്തുന്ന അനുഭവങ്ങൾ പങ്കുവയ്ക്കുകയാണ് ലക്ഷ്മി നായർ. ഒരു മാധ്യമത്തിന് നൽകിയ അഭിമുഖത്തിലാണ് അനുഭവം പങ്കുവച്ചത്. ലക്ഷ്മിയുടെ വാക്കുകൾ ഇങ്ങനെ...

തേക്കടിയിലെ ഉൾക്കാട്ടിലേക്കുള്ള യാത്രയും പേടിപ്പിക്കുന്നതായിരുന്നു. വനംവകുപ്പിന്റെ ഗൈഡും കൂടെ ഉണ്ടായിരുന്നു. ഗൈഡിന് വന്യമൃഗങ്ങളുടെ ശബ്ദവും വരവുമൊക്കെ കൃത്യമായി മനസിലാക്കാൻ കഴിയുമായിരുന്നു. വഴിയിൽ പുലിയുടെയും കരടിയുടെയുമൊക്കെ കാൽപാടുകൾ കാണിച്ചു തന്നു. തെല്ലൊന്നു ഭയന്നെങ്കിലും വനത്തിനുള്ളിലെ ഓരോ കാഴ്ചയും അദ്ഭുതമായി തോന്നി.

യാത്രക്കിടയിൽ‌ വ്യത്യസ്ത ശബ്ദവുമായി നിറയെ കുരങ്ങുകൾ മരച്ചില്ലകളിലൂടെ ചാടി നടക്കുന്നുണ്ടായിരുന്നു. അപകടസൂചനയാണെന്നും ഏതോ മൃഗം അതുവഴി വരുന്നുണ്ടെന്നും ഗൈഡ് പറഞ്ഞു. ഞങ്ങൾ ആകെയൊന്നു പേടിച്ചു. ഒരു പുലി പാഞ്ഞു പോകുന്നത് കണ്ടു. ഓട്ടത്തിന്റെ വേഗത്തിൽ നിഴൽപോലെ കാണാനേ സാധിച്ചുള്ളൂ. ശരിക്കും ഭയന്നുപോയി. ഞങ്ങളുടെ കൂടെയുള്ളവർ കൂട്ടം തെറ്റിപ്പോയി. പിന്നീടു കണ്ടെത്തി. ശരിക്കും ഉള്ളു നടുക്കിയ യാത്രയായിരുന്നു അത്. മറക്കാനാവില്ലസകരമായി തോന്നി- ലക്ഷ്മി കൂട്ടിച്ചേർത്തു.