അനുരൂപും വിഹാന് സ്വരൂപും തമ്മില് കണ്ടു!
ബെംഗളൂരുവില് മെക്കാനിക്കല് എന്ജിനീയറായ സ്വരൂപിന്റെയും ഭാവനയുടെയും നാലു വയസ്സുകാരന് മകന് വിഹാന് സ്വരൂപ് തലസേമിയ രോഗബാധിതനായിരുന്നു. 2019 ഏപ്രില് 8-നു ചെന്നൈ അപ്പോളോ അശുപത്രിയില് വച്ച് മറ്റൊരാളുടെ നട്ടെല്ലിലെ മജ്ജയില് നിന്നു മൂലകോശമെടുക്കുകയും കുട്ടിയില് വച്ചു പിടിപ്പിക്കുകയും ചെയ്തു. കുട്ടി ഇപ്പോള് പൂര്ണ ആരോഗ്യവാനാണ്.
സ്റ്റെംസെല് ഡൊണേഷന് റജിസ്ട്രിയായ ധാത്രി വഴിയായിരുന്നു മൂലകോശം ഡൊണേറ്റ് ചെയ്യാന് സന്നദ്ധനായ ഒരാളെ കണ്ടെത്തിയത്. എറണാകുളം കുറുപ്പംപടി അശമന്നൂര് പഞ്ചായത്തിലെ പുന്നയം പാണാശേരില് അശോകന്റെയും യമുനയുടെയും മകന് അനുരൂപ് (23) ആയിരുന്നു ദാതാവ്.
അനുരൂപിന്റെ നട്ടെല്ലിലെ മജ്ജയില് നിന്നു മൂലകോശമെടുക്കുകയും കുട്ടിയില് വച്ചു പിടിപ്പിക്കുകയും ചെയ്തു. ഇത്തരത്തിലുള്ള ഇന്ത്യയിലെ പതിനഞ്ചാമത്തെയും കേരളത്തിലെ അഞ്ചാമത്തെയും ദാതാവാണ് അനുരൂപ്.
ഇന്ഫോസിസില് ജോലി ലഭിച്ച അനുരൂപ് പരിശീലനത്തിന്റെ ഭാഗമായി മൈസൂരുവിലായിരുന്നു. ലോക്ഡൗണിനു മുന്പാണു വീട്ടിലെത്തിയത്.
ദാതാവും സ്വീകര്ത്താവും ഒരു വര്ഷത്തിനു ശേഷമേ തിരിച്ചറിയാവൂ എന്ന നിയമമുള്ളതിനാല് ഇവര് പരസ്പരം കണ്ടിരുന്നില്ല. കഴിഞ്ഞ ബുധനാഴ്ച ഒരു ചാനല് ഒരുക്കിയ പരിപാടിയിലൂടെ ഇവര് ആദ്യമായി പരസ്പരം കണ്ടു. അങ്ങനെ മലയാളിയായ മൂലകോശ ദാതാവും കര്ണാടക സ്വദേശിയായ സ്വീകര്ത്താവും ഒരു വര്ഷത്തിനു ശേഷം പരസ്പരം തിരിച്ചറിഞ്ഞു.
https://www.facebook.com/Malayalivartha