സര്ക്കാര് ജോലി കിട്ടാതിരുന്നതിന്റെ പുണ്യം, ഇപ്പോള് പ്രതിമാസം ലക്ഷങ്ങള് വരുമാനം!
കര്ണ്ണാടക ബെല്ഗാം ജില്ലയിലെ ഷിരൂര് ഗ്രാമത്തില് നിന്നുള്ള സതീഷ് ഷിദ്ദ ഗൗഡര് എന്ന ചെറുപ്പക്കാരന്റെ ആഗ്രഹം ബിഎയും ബിഎഡും കഴിഞ്ഞ് ഒരു അധ്യാപകനാകണം എന്നായിരുന്നു. പഠിത്തമെല്ലാം കഴിഞ്ഞ് ഇതിനൊരു അവസരവും ലഭിച്ചു. പക്ഷേ, ജോലി ലഭിക്കാന് കൈക്കൂലിയായി ചോദിച്ചത് 16 ലക്ഷം രൂപ. ലോണെടുത്ത് ഈ തുക മകന് കൊടുക്കാന് സതീഷിന്റെ പിതാവ് ഒരുക്കമായിരുന്നു. എന്നാല് കൈക്കൂലി കൊടുത്ത് അങ്ങനെ ജോലി നേടേണ്ടതില്ലെന്ന് സതീഷ് തീരുമാനിച്ചു.
പകരം പിതാവിന്റെയും അദ്ദേഹത്തിന്റെ സഹോദരന്മാരുടെയും ഒപ്പം മണ്ണിലിറങ്ങി കൃഷി ചെയ്യാനാണ് സതീഷ് തീരുമാനിച്ചത്. വര്ഷങ്ങള്ക്കിപ്പുറം കൃഷിയിലൂടെ പ്രതിമാസം ലക്ഷങ്ങള് സമ്പാദിക്കുമ്പോള് അന്നെടുത്ത തീരുമാനത്തില് അഭിമാനം മാത്രമേയുള്ളൂ.
ഈ 38-കാരന് നാട്ടുകാര്ക്കിടയില് ഒരു ഓമനപ്പേരുണ്ട്, 'പാവയ്ക്കാ സ്പെഷ്യലിസ്റ്റ്' ! ഒന്നരയേക്കര് സ്ഥലത്ത് എല്ലാ വര്ഷവും 50 ടണ് പാവയ്ക്കായാണ് ഇദ്ദേഹം വിളവെടുക്കുന്നത്. ജലസേചനത്തിനായി ഡ്രിപ് ഇറിഗേഷന്, ഈര്പ്പം നിലനിര്ത്താന് പ്ലാന്റ് ബെഡുകള് എന്നിങ്ങനെ നിരവധി ടെക്നിക്കുകളാണ് സതീഷ് കൃഷിയിടത്തില് അവതരിപ്പിച്ചത്. അങ്ങനെ പിതാവിന്റെ സാമ്പ്രദായിക കൃഷി രീതിപിന്തുടരാതെ അല്പം വ്യത്യസ്തമായി കൃഷിയെ സമീപിച്ചതിന്റെ ഫലമോ 50 വര്ഷമായി പിതാവും സഹോദരങ്ങളും ഉണ്ടാക്കാത്ത നേട്ടം കൃഷിഭൂമിയില് നിന്ന് സതീഷ് നേടി. പുസ്തകങ്ങളില് നിന്നും പുതിയ കൃഷി രീതികള് അവലംബിക്കുന്ന കര്ഷകരില് നിന്നുമാണ് സതീഷ് ഈ ടെക്നിക്കുകള് പഠിച്ചെടുത്തത്.
ഷിരൂരില് അധികം കര്ഷകര് പാവയ്ക്കകൃഷി ചെയ്യാതിരുന്ന സമയത്താണ് സതീഷ് ഇതാരംഭിക്കുന്നത്. ആദ്യം കാല് ഏക്കര് സ്ഥലത്ത് പരീക്ഷണാര്ത്ഥം പാവല് കൃഷി ചെയ്തു. സംഗതി വിജയിച്ചതോടെ ഒന്നരയേക്കറില് പാവല് കൃഷി തുടങ്ങി. ശേഷിക്കുന്ന മൂന്നരയേക്കറില് കരിമ്പും കൃഷി ചെയ്തു. അങ്ങനെ കൃഷി രീതിയില് മാത്രമല്ല വിപണനത്തിലും സതീഷ് വ്യത്യസ്തത കൊണ്ട് മുദ്രപതിപ്പിച്ചു.
ഓരോ വിളവെടുപ്പിലും ഒന്നര മുതല് രണ്ട് ടണ് വരെ പാവയ്ക്ക ലഭിക്കും. ഒരു ടണ് 35,000 രൂപയ്ക്കാണ് വില്ക്കുക. വിപണി ആവശ്യകത അനുസരിച്ച് ഇതില് വ്യത്യാസം വരും. കഴിഞ്ഞ വര്ഷം ടണ്ണിന് 48,000 രൂപയ്ക്കാണ് വിറ്റതെന്ന് സതീഷ് പറയുന്നു. ഇപ്രകാരം ഒരു വര്ഷം 30 വിളവെടുപ്പ് സതീഷ് നടത്തും.
വിളവെടുപ്പ് സീസണില് 25,000 രൂപയോളമാണ് ഓരോ ദിവസം സതീഷിന്റെ കൈയ്യിലെത്തുന്നത്.അല്പം നിശ്ചയദാര്ഢ്യമുണ്ടെങ്കില് ആര്ക്കും ഇത്തരത്തില് കൃഷിയിലൂടെ വിജയം നേടാമെന്ന് സതീഷ് പറയുന്നു.
https://www.facebook.com/Malayalivartha
