ഒരു പാസ്‌പോര്‍ട്ട് നേടാന്‍ കൊതിക്കാത്തവരായി ആരുമില്ല. എന്നാല്‍ ലോകത്തെ മികച്ച പാസ്‌പോര്‍ട്ടുകളുടെ പട്ടികയില്‍ ഇന്ത്യയ്ക്ക് എത്രാം സ്ഥാനമാണെന്ന് ചോദിച്ചാല്‍ പറയാന്‍ അല്‍പ്പം ബുദ്ധിമുട്ടും. ലോകത്തെ മികച്ച 50 പാസ്‌പോര്‍ട്ടുകളുടെ പട്ടികയില്‍ ഇന്ത്യയ്ക്ക് 48-ാം സ്ഥാനം മാത്രമാണുള്ളത്‌. ജര്‍മനിയിലെ ഗോ യൂറോ എന്ന യാത്രാ താരതമ്യ വെബ്‌സൈറ്റാണ് ലോകത്തിലെ ഏറ്റവും മികച്ച 50 പാസ്‌പോര്‍ട്ടുകളുടെ പട്ടിക തയാറാക്കിയിരുന്നത്.

അപേക്ഷിക്കാനുള്ള ചെലവ്, അനുവദിച്ചുകിട്ടാനെടുക്കുന്ന സമയം, ആ പാസ്‌പോര്‍ട്ട് ഉപയോഗിച്ച് എത്ര രാജ്യങ്ങളില്‍ വീസയില്ലാതെ പ്രവേശിക്കാം ഇതിന്റെയൊക്കെ അടിസ്ഥാനത്തിലാണ് റാങ്ക് നിര്‍ണയിച്ചത്. ഇന്ത്യന്‍ പാസ്‌പോര്‍ട്ട് ഉടമയ്ക്ക് 52 രാജ്യങ്ങളില്‍ \'വീസ ഫ്രീ\' പ്രവേശനമുണ്ട്. അപേക്ഷിക്കാനുള്ള ചെലവ് 24 യുഎസ് ഡോളറും (ഏകദേശം 1500 രൂപ). പാസ്‌പോര്‍ട്ട് അനുവദിച്ചുകിട്ടാനുള്ള പ്രവൃത്തിസമയം 87 മണിക്കൂറുമാണ്.

സ്വീഡനാണ് പട്ടികയില്‍ ഒന്നാമതെത്തിയത്. 174 രാജ്യങ്ങളില്‍ വീസ ഫ്രീ പ്രവേശനമുള്ള സ്വീഡിഷ് പാസ്‌പോര്‍ട്ടിന് 43 യുഎസ് ഡോളറാണു ചെലവ്. വെറുമൊരൊറ്റ മണിക്കൂറുകൊണ്ട് പാസ്‌പോര്‍ട്ട് കയ്യില്‍ കിട്ടുകയും ചെയ്യും. ഫിന്‍ലന്‍ഡ്, ജര്‍മനി, ഇംഗ്ലണ്ട്, അമേരിക്ക എന്നീ രാജ്യങ്ങളും ആദ്യസ്ഥാനങ്ങളിലുണ്ട്. പാക്കിസ്ഥാനാകട്ടെ 50 രാജ്യങ്ങളുടെ പട്ടികയില്‍പ്പോലും ഉള്‍പ്പെട്ടിട്ടില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha