ജീവിതം ഇങ്ങനെയാകുമെന്ന് പ്രതീക്ഷിച്ചിരുന്നില്ലെന്ന് സല്‍മാന്‍ ഖാന്റെ വാഹനമിടിച്ച് മരിച്ചയാളുടെ ഭാര്യ പറയുന്നു.ഞങ്ങള്‍ സല്‍മാനോട് എന്ത് തെറ്റാണ് ചെയ്തതു. നഷ്ടപരിഹാരം നല്‍കാമെന്ന് പറഞ്ഞിട്ട് എവിടെയെന്നും അവര്‍ ചോദിക്കുന്നു. 2002 ഒക്ടോബര്‍ 28ാം തീയതിയാണ് സല്‍മാന്‍ ഖാന്റെ ടൊയോട്ട ലാന്‍ഡ് ക്രൂയിസര്‍ കാര്‍ ബാന്ദ്രയിലെ അമേരിക്കന്‍ എക്‌സ്പ്രസ്സ് ബേക്കറിയുടെ മുന്നിലുള്ള നടപ്പാതയിലേക്ക് നിയന്ത്രണം വിട്ട് മദ്യപിച്ച ഉറങ്ങികിടന്ന യുവാവിനെ കൊലപ്പെടുത്തിയത്. കുടുംബത്തിന്റെ ഏക ആശ്രയമായിരുന്നു ആ യുവാവ്. സംഭവസ്ഥലത്ത് വച്ച് തന്നെ നുറുള്ള മെഹ്ബൂബ് ഷരീഫ് മരിച്ചിരുന്നു. ഈ യുവാവ് പോയതോടെ ജീവിതം ദുരിതത്തിലായി എന്ന് വേണം പറയാന്‍.
കേസില്‍ കോടതി സല്‍മാന് അഞ്ച് വര്‍ഷം തടവുശിക്ഷ വിധിച്ചെങ്കിലും തങ്ങള്‍ക്ക് ലഭിക്കേണ്ട ന്യായമായ നഷ്ടപരിഹാരം എവിടെയെന്നാണ് നൂറുള്ളയുടെ ഭാര്യയുടെ ചോദ്യക്കുന്നത്. ഇവരുടെ ജീവിതം ഇപ്പോള്‍ ദുരിതത്തിലാണ് കടന്ന് പോകുന്നത്. കുട്ടികളുടെ വിദ്യാഭ്യാസം, മറ്റ് ചെലവുകള്‍, ഇതെല്ലാം നോക്കികൊണ്ട് പോകാന്‍ ഈ കുടുംബം നല്ല പോലെ നഷ്ടപ്പെടുകയാണ്.
തന്റെ ഭര്‍ത്താവിന്റെ മരണത്തില്‍ നഷ്ടപരിഹാരം ഒന്നും ലഭിച്ചില്ലെന്നും അവര്‍ സങ്കടത്തോടെ പറയുന്നു. ഞങ്ങള്‍ക്ക് വേണ്ടത് ദുരിതമയമായ ജീവിതത്തില്‍ നിന്നുമുള്ള മോചനമാണ്. എന്റെ മകന് ഒരു ജോലിയെങ്കിലും....നൂറുള്ളയുടെ ഭാര്യ നിസ്സഹായതയോടെ പറഞ്ഞുനിര്‍ത്തുന്നു. 10 ലക്ഷം രൂപ നഷ്ടപരിഹാരം നല്‍കാമെന്നായിരുന്നു വാഗ്ദാനം. എന്നാല്‍ ആ വാഗ്ദാനം വാക്കുകളില്‍ മാത്രമായി ഒതുങ്ങിയെന്നും അവര്‍ പറയുന്നു.
2002ല അപകടത്തില്‍ പരുക്കേറ്റവരും തങ്ങള്‍്ക്ക് അര്‍ഹമായ നഷ്ടപരിഹാരം വേണമെന്ന് ആവശ്യപ്പെടുന്നു. കഴിഞ്ഞ 13 വര്‍ഷമായി ഞങ്ങളുടെ ജീവിത സ്ഥിതി എന്തെന്ന് അറിയാന്‍ ആരും വന്നില്ല. ചെറിയ ജോലികള്‍ ചെയ്താണ് കുടുംബത്തെ സഹായിക്കുന്നത്. സല്‍മാന് ജയില്‍ശിക്ഷ നല്‍കുന്നതിനേക്കാള്‍ ആവശ്യം നഷ്ടപരിഹാരമാണ്\' അപകടത്തില്‍ കാല്‍നഷ്ടപ്പെട്ട അബ്ദുള്ള റൗഫ് ഷെയ്ക് പറഞ്ഞു. സല്‍മാന്‍ ശിക്ഷിക്കപ്പെട്ടതുകൊണ്ട് തന്റെ കാല്‍ തിരിച്ചുകിട്ടുമോ എന്നും അദ്ദേഹം ചോദിച്ചു. സംഭവം നടന്ന് 13 വര്‍ഷം കഴിഞ്ഞ് ശിക്ഷ നടപ്പാക്കുന്നതില്‍ എന്ത് പ്രയോജനം. 3 ലക്ഷം രൂപയാണ് നഷ്ടപരിഹാരമായി കിട്ടിയത്. അതില്‍ 1.2 ലക്ഷം അഭിഭാഷകന് നല്‍കേണ്ടി വന്നുവെന്ന് റൗഫ് പറഞ്ഞു.
കേസിലെ വിധി യാതൊരു വിധത്തിലും തങ്ങളെ ബാധിക്കുന്നതല്ലെന്ന് അപകടത്തില്‍ നട്ടെല്ലിനും കാലിനും ഗുരുതരമായി പരുക്കേറ്റ മൊഹമ്മദ് കലീം പറയുന്നു. 1.5 ലക്ഷം രൂപയാണ് നഷ്ടപരിഹാരമായി ലഭിച്ചത്. എന്നാല്‍ ഈ തുക മുഴുവന്‍ ചികിത്സക്കായി ചെലവായി. തങ്ങള്‍ ദരിദ്രരാണ്. സല്‍മാന് ജയില്‍ ശിക്ഷ നല്‍കിയതുകൊണ്ട് തങ്ങളുട വയര്‍ നിറയുകയില്ല. അപകടത്തിലേറ്റ പരുക്ക് ഇപ്പോഴും അലട്ടുന്നുണ്ട്. വേദന സഹിക്കാന്‍ കഴിയാതെ വരുമ്പോള്‍ മരുന്ന് കഴിക്കും. ജോലി ചെയ്ത് ജീവിക്കാന്‍ നിലവിലെ സ്ഥിതിയില്‍ കഴിയില്ല. സഹോദരന്റെ ചെലവിലാണ് ഇപ്പോള്‍ തന്റെ ജീവിതമെന്നും കലീം പറഞ്ഞു.
ഇന്നലെയാണ് മുംബൈ സെഷന്‍സ് കോടതി സല്‍മാനെ അഞ്ച് വര്‍ഷത്തെ തടവുശിക്ഷയ്ക്ക് വിധിച്ചത്.സല്‍മാനെതിരെ ചുമത്തിയിരുന്ന എല്ലാ കുറ്റങ്ങളും തെളിഞ്ഞുവെന്ന് കോടതി പറഞ്ഞു. വാഹനം ഓടിച്ചിരുന്നത് തന്റെ ഡ്രൈവറായിരുന്നുവെന്ന സല്‍മാന്റെ വാദം കോടതി തള്ളിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha