ഓട്ടം ശരിക്കും മാരത്തോണായി... മാരത്തോണിനിടെ കാട്ടില് വഴിതെറ്റിപ്പോയ യുവതി സ്വന്തം മുലപ്പാല് കുടിച്ച് ജീവന് രക്ഷിച്ചു
വനപാതയില് നടത്തുന്ന ഹാഫ് മാരത്തോണിനിടെ വഴിതെറ്റി കാട്ടില് കുടുങ്ങിപ്പോയ യുവതിയെ ഒരു രാത്രിക്ക് ശേഷം രക്ഷപെടുത്തി. ന്യൂസിലാന്ഡില് നടന്ന എക്സ്ട്രാ ട്രയല് റണ് സീരിസിനിടെയാണ് രണ്ട് കുട്ടികളുടെ മാതാവായ യുവതി വഴിതെറ്റി കാട്ടില് കുടുങ്ങിയത്. ഒരു രാത്രി കാട്ടിലെ കൊടുതണുപ്പില് കഴിഞ്ഞുകൂടേണ്ടി വന്ന ഇവര് സ്വന്തം മുലപ്പാല് കുടിച്ചും ദേഹത്ത് ചളിയില് പുരണ്ടുകിടന്നും തണുപ്പില് നിന്നും രക്ഷനേടി ജീവന് രക്ഷിച്ചു.
നോര്ത്തണ് വെല്ലിങ്ടണിലുള്ള ജോണ്സണ് വില്ലെയിലെ സൂസണ് ഒബ്രിയാന് എന്ന യുവതിയാണ് മാരത്തോണിനിടെ കാട്ടില് അകപ്പെട്ട് കാണാതായത്. റിമുടേക്ക ഫോറസ്റ്റ് പാര്ക്കിലായിരുന്നു മത്സരം സംഘടിപ്പിച്ചത്. രണ്ടര മണിക്കൂര് കാട്ടിലെ പാതയിലൂടെ സഞ്ചരിച്ച് മാരത്തോണ് പൂര്ത്തിയാക്കേണ്ട ഈ 29കാരി ഫിനിഷിങ് ലൈനില് എത്താത്തതിനെ തുടര്ന്നാണ് സംഘടകര് വിശദമായ അന്വേഷണം നടത്തിയത്. 11.30തോടെയാണ് യുവതിയെ കാണാനില്ലെന്ന് കാണിച്ച് അവരുടെ ട്രെയിനര് പരാതിപ്പെട്ടത്. തുടര്ന്ന്, ഇവര്ക്ക് വേണ്ടി തിരച്ചില് ആരംഭിച്ചു.
ഹെലികോപ്ടറുകളും അത്യാധുനിക സംവിധാനങ്ങളും ഉപയോഗിച്ചായിരുന്നു തിരച്ചില്. ഇതിന് ഒടുവിലാണ് യുവതിയെ കണ്ടെത്തിയത്. മാരത്തോണിനിടെ ദിശാബോര്ഡുകളില് വന്ന ആശയക്കുഴപ്പാണ് തന്നെ ചതിച്ചതെന്നാണ് ഇവര് പിന്നീട് പറഞ്ഞത്. 24 മണിക്കൂറോളം ഇവര്ക്ക് കാട്ടിലെ ദുര്ഘടമായ സാഹചര്യത്തില് തങ്ങേണ്ടി വന്നു.
രാത്രിയായപ്പോള് കൊടും തണുപ്പാണ് അനുഭവപ്പെട്ടത്. തണുപ്പില് നിന്നും രക്ഷപെടാന് താന്ചെറിയ തോതില് മണ്ണ് മാന്തികുഴിയെടുത്ത് ശരീരം അതിലാക്കി ദേഹം മൂടുകയാണ് ചെയ്തത്. കുടിക്കാന് ലഭിക്കാതെ തൊണ്ട വരണ്ടതോടെ സ്വന്തം മുലപ്പാല് കുടിക്കേണ്ടി വന്നെന്നും സൂസന് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha