വിന്ഡീസ് ഇതിഹാസത്തെ ഇന്റര്വ്യൂ ചെയ്ത് വിരാട്
വെസ്റ്റ് ഇന്ഡീസ് ഇതിഹാസ ക്രിക്കറ്റര് വിവിയന് റിച്ചാര്ഡ്സിനെ ഇന്റര്വ്യൂ ചെയ്ത് ഇന്ത്യന് ക്രിക്കറ്റ് ക്യാപ്ടന് വിരാട് കൊഹ്ലി. ബി.സി.സി.ഐയുടെ വെബ്സൈറ്റിനുവേണ്ടിയായിരുന്നു വിവിയനുമായുള്ള വിരാടിന്റെ ഇന്റര്വ്യൂ. ബൗണ്സറുകള്ക്ക് നിയന്ത്രണങ്ങളൊന്നുമില്ലാതിരുന്ന സമയത്ത് സാധാരണ തൊപ്പിയും ധരിച്ച് ബാറ്റിംഗിന് ഇറങ്ങുമ്പോള് മനസിലെന്തായിരുന്നുവെന്ന വിരാടിന്റെ ചോദ്യത്തിന് ഏത് ബൗണ്സറും നേരിടാന് തനിക്ക് കഴിയുമെന്ന ആത്മവിശ്വാസമുണ്ടായിരുന്നു എന്നായിരുന്നു റിച്ചാര്ഡ്സിന്റെ ആദ്യമറുപടി.
തുടക്കത്തില് താന് ഹെല്മറ്റ് ധരിക്കാറുണ്ടായിരുന്നുവെന്നും എന്നാല് അത് വച്ച് ബാറ്റ് ചെയ്യുന്നത് ബുദ്ധിമുട്ടായി തോന്നിയതുകൊണ്ട് ഒഴിവാക്കുകയായിരുന്നുവെന്നും വിശദീകരിച്ചു. മെറൂണ് നിറത്തിലുള്ള തന്റെ തൊപ്പി അണിയുമ്ബോള് അഭിമാനം തോന്നിയിരുന്നുവന്നും അദ്ദേഹം പറഞ്ഞു. പന്ത് ശരീരത്തില് കൊണ്ടാല് അത് ദൈവവിധിയെന്ന് കരുതി ബാറ്റിംഗ് തുടരാനുള്ള ആത്മവീര്യം തനിക്കുണ്ടായിരുന്നുവെന്നും വിവിയന് പറഞ്ഞു.ബാറ്റിംഗിന്റെ തുടക്കത്തില് ഒന്നോ രണ്ടോ ഏറുകൊള്ളുന്നതാണ് നല്ലതെന്ന് വിരാട് അഭിപ്രായപ്പെട്ടപ്പോള് വിവിയനും അതിനോട് യോജിച്ചു. ബാറ്റിംഗിനിടെ ഏറ് കൊള്ളുന്നത് കളിയുടെ ഭാഗമാണെന്നും ഏറ് കിട്ടിക്കഴിഞ്ഞാല് അതിന്റെ ആഘാതത്തില് നിന്ന് തിരിച്ചുവരാനുള്ള മനക്കരുത്താണ് വേണ്ടതെന്നും വിന്ഡീസ് ഇതിഹാസം കൂട്ടിച്ചേര്ത്തു.
ക്രിക്കറ്റിനോടുള്ള ആവേശം തന്നിലും വിരാടിലും ഒരേ അളവിലാണെന്നും വിവിയന് റിച്ചാര്ഡ്സ് പറഞ്ഞു. കളിക്കളത്തിലെ ദേഷ്യത്തിന്റെ കാര്യത്തിലും താങ്ങള് ഒരേപോലെയാണെന്നും അദ്ദേഹം കൂട്ടിച്ചേര്ത്തു.
https://www.facebook.com/Malayalivartha