നടത്തിയാലും ഇല്ലെങ്കിലും നഷ്ടക്കച്ചവടം; ഐപില് നടക്കുമോ ഇല്ലയോ...; എന്തു ചെയ്യണമെന്ന് തലപുകച്ച് ബിസിസിഐ
എന്തുവിധേയനയും ഇന്ത്യന് പ്രീമിയര് ലീഗ് സംഘടിപ്പിക്കണം, ദൃഢനിശ്ചയത്തിലാണ് ബിസിസിഐ. കോവിഡ് 19 വൈറസ് വ്യാപനത്തില് വിറങ്ങലിച്ച് നില്ക്കുന്ന സാഹചര്യത്തില് ഈമാസം 29ന് ആരംഭിക്കേണ്ടിയിരുന്ന ഇന്ത്യന് പ്രീമിയര് ലീഗിന്റഎ 13ാം പതിപ്പ് ഏപ്രില് 15ലേക്ക് മാറ്റിയിരുന്നു. പക്ഷെ കൊറോണ വൈറസ് ബാധ നിയന്ത്രണവിധേയമായിട്ടില്ല. ഈ സാഹചര്യത്തില് ഏപ്രില് 15ന് കളി നടക്കുമോയെന്ന കാര്യം സംശയത്തിലാണ്. എന്തു ചെയ്യണമെന്ന് ബിസിസിഐ തലപുകയ്ക്കുകയാണ്. രണ്ടു വഴിയാണ് മുന്നില്. ഒന്നുകില് ഐപിഎല് റദ്ദാക്കണം. അല്ലെങ്കില് തീയതി വീണ്ടും നീട്ടണം. ഐപിഎല് നടന്നില്ലെങ്കില് സംഭവിക്കാനിരിക്കുന്ന ഭീമന് നഷ്ടം ബിസിസിഐയുടെ മുന്നിലുണ്ട്. അതുകൊണ്ട് കൊറോണ ഭീതി കെട്ടടങ്ങിയിട്ട് ഐപിഎല് സംഘടിപ്പിക്കാന് കഴിയുമോ എന്നാണ് ബോര്ഡിന്റെ ഇപ്പോഴത്തെ അന്വേഷണം.
അടുത്തമാസവും ഐപിഎല് ആരംഭിക്കുന്നത് അസാധ്യമാവുകയാണെങ്കില് ടൂര്ണമന്റെ് ഉപേക്ഷിക്കുന്നതിന് പകരം പുതിയൊരു തീയതിയിലേക്ക് മാറ്റാനാണ് ബിസിസിഐയുടെ തീരുമാനമെന്ന് ദേശീയ മാധ്യമമായ ടൈംസ് ഓഫ് ഇന്ത്യ റിപ്പോര്ട്ട് ചെയ്തു. ടൂര്ണമന്റെ് ചുരുക്കുകയല്ല, പകരം ഈ വര്ഷം ജൂലൈ, സെപ്റ്റംബര് സമയത്തേക്ക് മത്സരങ്ങള് മാറ്റാനാണ് ബി.സി.സി.ഐക്ക് താല്പര്യമത്രേ. ഇംഗ്ലണ്ട്, പാകിസ്ഥാന് എന്നീ ടീമുകള്ക്കൊഴിച്ച് അന്താരാഷ്ട്ര ക്രിക്കറ്റില് അധികം തിരക്കുകളില്ലാത്ത സമയമാണ് ജൂലൈ മുതല് സെപ്തംബര് വരെയുള്ള മാസങ്ങള്. നിലവില് ഏപ്രില് 15ന് ലീഗ് തുടങ്ങാന് ആയില്ലെങ്കില് ഉപേക്ഷിക്കും എന്നായിരുന്നു സൂചന. അതിനെ തള്ളിയാണ് പുതിയ റിപ്പോര്ട്ടുകള് വരുന്നത്. സെപ്റ്റംബറിലാണ് ഈ വര്ഷത്തെ ഏഷ്യാകപ്പ് ക്രിക്കറ്റ് നടക്കേണ്ടതിനാല് അതിന് മുന്നോടിയായി ഐ.പി.എല് തീര്ക്കാന് ബി.സി.സി.ഐയ്ക്ക് സമ്മര്ദമുണ്ടാകും.
ജൂലൈ, സെപ്റ്റംബര് മാസങ്ങളില് രാജ്യാന്തര മത്സരങ്ങള് കാര്യമായി നടക്കുന്നില്ലെന്നത് മുന്നില് കണ്ടാണ് ബിസിസിഐ പ്ലാന് ബി എന്ന നിലയില് ഇതു കണക്കുകൂട്ടുന്നത്. പാകിസ്താന്, ഇംഗ്ലണ്ട് താരങ്ങള്ക്ക് മാത്രമാണ് ഈ മാസങ്ങളില് മത്സരം ഉള്ളത്. പാകിസ്താന് താരങ്ങള് ഐപിഎല്ലില് കളിക്കാത്തതു കൊണ്ട് തന്നെ ഇംഗ്ലണ്ട് താരങ്ങളുടെ അഭാവം മാത്രമേ ലീഗില് ഉണ്ടാവൂ. എന്നാല് സെപ്തംബറില് ഏഷ്യാ കപ്പ് നടക്കാനിരിക്കുകയാണ്. ഇത് ബിസിസിഐക്ക് വെല്ലുവിളിയാവാന് സാധ്യതയുണ്ട്. ഏഷ്യാ കപ്പിന് മുന്പ് ഐപിഎല് തീര്ക്കുക എന്നതാവും ബിസിസിഐയുടെ ലക്ഷ്യം.
അതേസമയം, ഐ.പി.എല് ഉപേക്ഷിച്ചാല് ബി.സി.സി.ഐക്കുണ്ടായേക്കാവുന്ന നഷ്ടം 3,800കോടിയിലധികാമാണെന്നാണ് റിപ്പോര്ട്ടുകള്. ഐപിഎല് തീയതി നീട്ടുന്നതും ബിസിസിഐക്ക് നഷ്ടക്കച്ചവടമാണ്. മറ്റൊരു കലണ്ടര് തീയതിയിലേക്ക് ഐപിഎല് പുനര്നിശ്ചയിച്ചാല് സ്പോണ്സര്ഷിപ്പ് ഇനത്തില് 1,200 കോടിയോളം രൂപ വെള്ളത്തിലാകും. മാര്ച്ചില് ഐപിഎല് ആരംഭിക്കുന്നത് പ്രമാണിച്ച് പരസ്യ കരാറുകളെല്ലാം ബോര്ഡ് മുന്പേ പറഞ്ഞുറപ്പിച്ചിരുന്നു. പക്ഷെ, ഏപ്രില് 15നും സീസണ് തുടങ്ങിയില്ലെങ്കില് പരസ്യം നല്കിയ കമ്പനികള് കരാറില് ഭേദഗതി ആവശ്യപ്പെടും. പുതിയ സാഹചര്യത്തില് ഐപിഎല് നടത്തിപ്പുമായി ബന്ധപ്പെട്ട് ഏകദേശം 1,200 കോടിയോളം രൂപ ബിസിസിഐക്ക് നഷ്ടം സംഭവിക്കുമെന്നാണ് പുതിയ വിവരം.
നേരത്തെ, അടച്ചിട്ട സ്റ്റേഡിയങ്ങളില് ലീഗ് നടത്തിയാല് സ്പോണ്സര്മാര് പിന്മാറും എന്ന സൂചന ഉണ്ടായിരുന്നു. വിവോ, പേടിഎം തുടങ്ങിയ സ്പോണ്സര്മാരൊക്കെ ഇക്കാര്യം അറിയിച്ചു. അതുകൊണ്ട് തന്നെ ഈ വര്ഷം തന്നെ എങ്ങനെയും സാധാരണ രീതിയില് ഐപിഎല് നടത്താനാണ് ബിസിസിഐയുടെ ശ്രമം. എന്തായാലും ബി.സി.സി.ഐയുടെ പുതിയ തീരുമാനം എത്രത്തോളം ഫലപ്രാപ്തിയിലാവുമെന്ന് ഉറ്റുനോക്കുകയാണ് ക്രിക്കറ്റ്ലോകം.
https://www.facebook.com/Malayalivartha
