ഇന്ത്യയുടെ ന്യൂസിലന്‍ഡ് പര്യടനം റദ്ദാക്കി ന്യൂസിലന്‍ഡ് ക്രിക്കറ്റ് ബോര്‍ഡ്. തിരക്ക് പിടിച്ച ഷെഡ്യൂളുകളാണ് പരമ്ബര റദ്ദാക്കാന്‍ കാരണമായി ന്യൂസിലന്‍ഡ് ക്രിക്കറ്റ് ബോര്‍ഡ് അറിയിച്ചത്.കോവിഡ് ദുസ്സഹമാക്കുന്ന പുതിയ കാലത്ത് മൂന്ന് പുരഷ ടീമുകളുടേയും ഐസിസി വുമണ്‍സ് ലോകകപ്പിന്റേയും ആതിഥേയത്വം വഹിക്കാനുളളതിനാലാണ് ഇന്ത്യയുടെ പര്യടനം റദ്ദാക്കാന്‍ കിവീസ് ക്രിക്കറ്റ് ബോര്‍ഡ് നിര്‍ബന്ധിതമായത്.

മൂന്ന് ഏകദിന മത്സരങ്ങളാണ് പരമ്ബരയില്‍ ഉണ്ടായത്. 2023ല്‍ നടക്കുന്ന ലോകകപ്പിന് മുന്നോടിയായിട്ട് യോഗ്യത നിശ്ചയിക്കുന്ന ലോകകപ്പ് സൂപ്പര്‍ ലീഗിന്റെ ഭാഗമായിട്ടായിരുന്നു പരമ്ബര സംഘടിപ്പിച്ചിരുന്നത്. മാറ്റിവെച്ച ഇന്ത്യയുടെ ടൂര്‍ 2022ലെ ടി20 ലോകകപ്പിന് ശേഷം പരമ്ബര നടത്താനാണ് കിവീസ് ക്രിക്കറ്റ് ബോര്‍ഡ് ആലോചിക്കുന്നത്.