നാഗ്പുരില്‍ നടന്ന ഒന്നാം ടെസ്റ്റ് ക്രിക്കറ്റില്‍ ഇന്ത്യക്ക് ഇന്നിംഗ്‌സിന്റെയും 132 റണ്‍സിന്റെയും കൂറ്റന്‍ ജയം കരസ്ഥമാക്കി. രണ്ടാം ഇന്നിംഗ്‌സില്‍ ഓസ്‌ട്രേലിയയെ വെറും 91 റണ്‍സിനു ചുരുട്ടിക്കെട്ടിയാണ് ഇന്ത്യ ഏകപക്ഷീയ ജയം കൈവരിച്ചത്.

സ്‌കോര്‍: ഓസ്‌ട്രേലിയ 177, 91. ഇന്ത്യ 400. രണ്ട് ഇന്നിംഗ്‌സിലുമായി ഏഴ് വിക്കറ്റ് വീഴ്ത്തുകയും ഒന്നാം ഇന്നിംഗ്‌സില്‍ 70 റണ്‍സ് നേടുകയും ചെയ്ത ഇന്ത്യയുടെ രവീന്ദ്ര ജഡേജയാണ് പ്ലെയര്‍ ഓഫ് ദ മാച്ച്.

രണ്ടാം ഇന്നിംഗ്‌സില്‍ ആര്‍. അശ്വിന്‍ അഞ്ച് വിക്കറ്റ് സ്വന്തമാക്കി. ഈ ജയത്തോടെ നാല് മത്സര പരന്പരയില്‍ ഇന്ത്യ 1-0ന്റെ ലീഡ് നേടി. രണ്ടാം ടെസ്റ്റ് 17 മുതല്‍ ഡല്‍ഹിയില്‍ തുടങ്ങും.