വനിതാ ടി20 ലോകകപ്പ് ഫൈനലില്‍ ഓസ്‌ട്രേലിയയെ നേരിടാന്‍ ദക്ഷിണാഫ്രിക്ക. രണ്ടാം സെമിയില്‍ ഇംഗ്ലണ്ടിനെ തോല്‍പ്പിച്ചാണ് ദക്ഷിണാഫ്രിക്ക സ്വന്തം മണ്ണില്‍ കലാശപ്പോരാട്ടത്തിന് ഇടം നേടിയെടുത്തത്. ആറ് റണ്‍സിനാണ് ജയം.

ദക്ഷിണാഫ്രിക്ക ഉയര്‍ത്ത് 165 റണ്‍സെന്ന വിജയലക്ഷ്യം പിന്തുടര്‍ന്ന ഇംഗ്ലീഷ് വനിതകള്‍ക്ക് 20 ഓവറില്‍ 8 വിക്കറ്റ് നഷ്ടത്തില്‍ 158 റണ്‍സെടുക്കാനേ കഴിഞ്ഞുള്ളൂ. ദക്ഷിണാഫ്രിക്കയുടെ കന്നി ട്വന്റി20 ഫൈനലാണിത്. ഇന്നലെ ഇന്ത്യയെ തോല്‍പ്പിച്ചാണ് ഓസ്‌ട്രേലിയ ഫൈനല്‍ ബര്‍ത്ത് ഉറപ്പിച്ചത്.


സെമിയില്‍ ഓസ്‌ട്രേലിയ ഉയര്‍ത്തിയ 173 റണ്‍സെന്ന വിജയലക്ഷ്യത്തിലേക്ക് ബാറ്റേന്തിയ ഇന്ത്യന്‍ പെണ്‍പട പൊരുതി വീഴുകയായിരുന്നു. അഞ്ച് റണ്ണിനാണ് ഇന്ത്യ പരാജയം സമ്മതിച്ചത്. ആദ്യം ബാറ്റ് ചെയ്ത ഓസ്‌ട്രേലിയ നാല് വിക്കറ്റ് നഷ്ടത്തില്‍ 172 റണ്‍സ് നേടിയപ്പോള്‍ നിശ്ചിത ഓവറില്‍ എട്ട് വിക്കറ്റ് നഷ്ടത്തില്‍ 167 റണ്‍സില്‍ ഇന്ത്യന്‍ പോരാട്ടം അവസാനിക്കുകയും ചെയ്തു .