ലോകകപ്പിലെ ഇന്ത്യ- ശ്രീലങ്ക പോരാട്ടത്തില് ലങ്കയ്ക്ക് ടോസ്... തുടര്ച്ചയായ ഏഴാം ജയത്തോടെ ടൂര്ണമെന്റിന്റെ സെമി ഫൈനലില് കടക്കുക എന്നതാണ് ഇന്ത്യയുടെ ലക്ഷ്യം
ലോകകപ്പിലെ ഇന്ത്യ- ശ്രീലങ്ക പോരാട്ടത്തില് ലങ്കയ്ക്ക് ടോസ്. ടോസ് നേടിയ ശ്രീലങ്ക രോഹിത്തിനെയും സംഘത്തെയും ബാറ്റിംഗിന് അയക്കുകയായിരുന്നു.
തുടര്ച്ചയായ ഏഴാം ജയത്തോടെ ടൂര്ണമെന്റിന്റെ സെമി ഫൈനലില് കടക്കുക എന്നതാണ് ഇന്ത്യയുടെ ലക്ഷ്യം. മുംബൈ വാങ്കഡെ സ്റ്റേഡിയത്തില് ഇന്ന് ഉച്ചയ്ക്ക് 2 മണിക്കാണ് മത്സരം തുടങ്ങി. ആറു മത്സരങ്ങളില് നിന്നും 12 പോയിന്റുമായി രണ്ടാംസ്ഥാനത്താണ് ഇന്ത്യ. ഇന്നലെ നടന്ന മത്സരത്തില് കിവീസിനെ വന് മാര്ജിനില് തോല്പ്പിച്ചതോടെ ദക്ഷിണാഫ്രിക്ക ഇന്ത്യയെ പിന്തള്ളി പോയിന്റ് പട്ടികയില് ഒന്നാമത്തെുകയായിരുന്നു. ഇരുടീമുകള്ക്കും 12 പോയിന്റ് വീതമാണുള്ളത്. എന്നാല് മികച്ച നെറ്റ് റണ്റേറ്റില് സൗത്താഫ്രിക്ക ഇന്ത്യയെ പിന്നിലാക്കുകയായിരുന്നു.
നാലു പോയിന്റുമായി ടൂര്ണമെന്റില് ഏഴാം സ്ഥാനത്ത് നില്ക്കുന്ന ലങ്കക്ക് ഇന്ന് ജീവന് മരണ പോരാട്ടമാണ്. ആറ് മല്സരങ്ങളില് രണ്ടെണ്ണത്തില് മാത്രമാണ് അവര്ക്കു ജയിക്കാനായത്. ഇനി വരാനിരിക്കുന്ന മൂന്ന് മത്സരങ്ങളിലും ജയിച്ചാല് മാത്രമേ ശ്രീലങ്കയ്ക്ക് സെമി ഫൈനലില് പ്രവേശിക്കാനാവൂകയുള്ളൂ.
പ്ലേയിംഗ് ഇലവന്:
ഇന്ത്യ- രോഹിത് ശര്മ്മ (ക്യാപ്റ്റന്), ശുഭ്മാന് ഗില്, വിരാട് കോലി, ശ്രേയസ് അയ്യര്, കെഎല് രാഹുല് (വിക്കറ്റ് കീപ്പര്), സൂര്യകുമാര് യാദവ്, രവീന്ദ്ര ജഡേജ, കുല്ദീപ് യാദവ്, മുഹമ്മദ് ഷമി, ജസ്പ്രീത് ബുമ്ര, മുഹമ്മദ് സിറാജ്.
ശ്രീലങ്ക- പതും നിസ്സങ്ക, ദിമുത് കരുണരത്നെ, കുശാല് മെന്ഡിസ് (ക്യാപ്റ്റന്, വിക്കറ്റ് കീപ്പര്), സദീര സമരവിക്രമ, ചരിത് അസലെങ്ക, ആഞ്ചലോ മാത്യൂസ്, മഹീഷ് തീക്ഷണ, ദുഷന് ഹേമന്ത, കസുന് രജിത, ദുഷ്മന്ത ചമീര, ദില്ഷന് മധുഷങ്ക.
"
https://www.facebook.com/Malayalivartha
