ബാബര് അസമിനെ വീണ്ടും പാകിസ്ഥാന് ക്രിക്കറ്റ് ടീം നായകനായി നിയമിച്ചു....
ബാബര് അസമിനെ വീണ്ടും പാകിസ്ഥാന് ക്രിക്കറ്റ് ടീം നായകനായി നിയമിച്ചു.... ഏകദിന, ട്വന്റി 20 ടീം നായകനായിട്ടാണ് ബാബര് അസമിനെ നിയമിച്ചത്. പാകിസ്ഥാന് ക്രിക്കറ്റ് ബോര്ഡാണ് തീരുമാനമെടുത്തത്. ലോകകപ്പിലെ ടീമിന്റെ മോശം പ്രകടനത്തെത്തുടര്ന്നാണ് ബാബര് അസമിനെ ഏകദിന, ട്വന്റി 20 ക്യാപ്റ്റന് സ്ഥാനത്തു നിന്നും നീക്കിയത്.
ഇതിനു പിന്നാലെ ടെസ്റ്റ് നായകസ്ഥാനവും ബാബര് അസം രാജിവെച്ചു. തുടര്ന്ന് ഷഹീന് അഫ്രീഡിയെ ട്വന്റി 20 നായകനായി നിയമിക്കുകയും ചെയ്തു. ഷാന് മസൂദിനെ ടെസ്റ്റ് നായകനായും നിയമിച്ചു. കഴിഞ്ഞ ജനുവരിയില് നടന്ന ന്യൂസിലന്ഡിനെതിരായ അഞ്ചു മത്സരങ്ങളുടെ ട്വന്റി 20 പരമ്പരയില് നാലിലും പാകിസ്ഥാന് പരാജയപ്പെട്ടിട്ടുണ്ടായിരുന്നു. ഇതിനിടെ പാക് ക്രിക്കറ്റ് ബോര്ഡ് ചെയര്മാന് സാക്കാ അഷറഫിന്റെ നേതൃത്വത്തിലുള്ള ഭരണസമിതി ഒഴിഞ്ഞിരുന്നു.
മുഹ്സിന് നഖ് വിയുടെ നേതൃത്വത്തിലുള്ള പുതിയ പാക് ക്രിക്കറ്റ് ബോര്ഡ് ക്യാപ്റ്റനെന്ന നിലയില് ഷഹീദ് അഫ്രിഡിയുടേയും ഷാന് മസൂദിന്റെയും പ്രകടനത്തില് തൃപ്തരായിരുന്നില്ലെന്നാണ് റിപ്പോര്ട്ട്.
ഇതേത്തുടര്ന്ന് പിസിബി മുതിര്ന്ന താരമായ ബാബര് അസമിനെ തന്നെ നായകനാക്കാന് നീക്കം നടത്തി വരികയായിരുന്നു. പുതിയ സെലക്ഷന് കമ്മിറ്റി ബാബര് അസമിനെ തന്നെ ട്വന്റി-20 ഏകദിന ക്യാപ്റ്റനായി നിയമിക്കാന് ശുപാര്ശ നല്കി. ഈ തീരുമാനം പാക് ക്രിക്കറ്റ് ബോര്ഡ് അംഗീകരിക്കുകയായിരുന്നു. ട്വന്റി-20 ലോകകപ്പ് ബാബര് അസമിന് കീഴിലാകും പാകിസ്ഥാന് കളിക്കുക.
"
https://www.facebook.com/Malayalivartha