ഓസ്‌ട്രേലിയക്കെതിരെ ബംഗ്ലാദേശ് ഏകദിന പരമ്പര സ്വന്തമാക്കി.... ചരിത്രമെഴുതി ബംഗ്ലാദേശ് ക്രിക്കറ്റ് ടീം. മഴയെ തുടര്‍ന്നു ഡെക്ക്‌വര്‍ത്ത് ലൂയീസ് നിയമപ്രകാരം 5 വിക്കറ്റ് ജയം സ്വന്തമാക്കിയാണ് ബംഗ്ലാദേശ് ചരിത്ര നേട്ടത്തിലെത്തിയത്. രണ്ടാം പോരാട്ടം മഴയെ തുടര്‍ന്നു 42 ഓവറാക്കി ചുരുക്കിയിരുന്നു.

8 വിക്കറ്റ് നഷ്ടത്തില്‍ 187 റണ്‍സാണ് ഓസ്‌ട്രേലിയക്ക് നേടാനായത്. ബംഗ്ലാദേശിന്റെ ലക്ഷ്യം 41 ഓവറില്‍ 192 റണ്‍സായി പുനര്‍നിര്‍ണയിച്ചു. അവര്‍ 35 ഓവറില്‍ 5 വിക്കറ്റ് നഷ്ടത്തില്‍ 195 റണ്‍സടിച്ചാണ് വിജയം പിടിച്ചത്. ഒപ്പം ചരിത്രത്തിലാദ്യമായി പരമ്പരയും. ആദ്യ മത്സരത്തില്‍ ബംഗ്ലാദേശ് 86 റണ്‍സ് വിജയം സ്വന്തമാക്കിയിട്ടുണ്ടായിരുന്നു. രണ്ടാം പോരാട്ടത്തില്‍ ആദ്യം ബാറ്റ് ചെയ്ത ഓസീസ് തകര്‍ച്ചയോടെയാണ് തുടങ്ങിയത്.