ട്വന്റി20 മല്‍സരത്തില്‍ ഇന്ത്യയ്ക്ക് ജയിക്കാന്‍ 119 റണ്‍സ് വേണം. പാക്കിസ്ഥാന് അഞ്ച് വിക്കറ്റ് നഷ്ടത്തില്‍ 118 റണ്‍സ് എടുത്തു. ട്വന്റി20 ലോകകപ്പില്‍ പാക്കിസ്ഥാനെതിരെ ടോസ് നേടിയ ഇന്ത്യ ഫീല്‍ഡിങ്ങ് തിരഞ്ഞെടുത്തു. മഴയയെ തുടര്‍ന്ന് മല്‍സരം 18 ഓവറാക്കി കുറച്ചു. ആദ്യ കളിയില്‍ ന്യൂസിലാന്റിനോട് പരാജയപ്പെട്ട ഇന്ത്യക്ക് ഇന്ന് ജീവന്‍മരണ പോരാട്ടമാണ്. ആദ്യമത്സരത്തില്‍ ബംഗ്ലാദേശിനെ കീഴടക്കിയതിന്റെ ആത്മവിശ്വാസത്തിലാണ് പാകിസ്ഥാന്‍ മത്സരത്തിനെത്തുന്നത്. ഇന്നത്തെ മത്സരം ടൂര്‍ണമെന്റില്‍ ഇന്ത്യക്ക് നിര്‍ണായകമാണ്. വന്‍ സുരക്ഷാ ക്രമീകരണങ്ങളാണ് മത്സരത്തിനായി ഒരുക്കിയിരിക്കുന്നത്.

കഴിഞ്ഞ മല്‍സരത്തിലിറങ്ങിയ അതേ ടീമുമായാണ് ഇന്ത്യയിറങ്ങുന്നത്. ചരിത്രം ഇരുടീമുകള്‍ക്കുമൊപ്പമാണ് എന്നതാണ് പ്രത്യേകത. ലോകകപ്പില്‍ ഇന്ത്യ ഇതുവരെ പാക്കിസ്ഥാനോട് തോറ്റിട്ടില്ല. കൊല്‍ക്കത്തയില്‍ പാക്കിസ്ഥാന്‍ ഇന്ത്യയോട് തോറ്റിട്ടുമില്ല. സുരക്ഷാ കാരണങ്ങളെച്ചൊല്ലിയുള്ള പാക്ക് പ്രതിഷേധത്തെത്തുടര്‍ന്നാണ് ധര്‍മശാലയില്‍ നടക്കേണ്ട മല്‍സരം കൊല്‍ക്കത്തയിലേക്ക് മാറ്റിയത്.

മല്‍സരഫലം എന്തായാലും ചരിത്രം തിരുത്തുന്നതാകും. ആര് തിരുത്തുമെന്നാണ് കണ്ടറിയേണ്ടത്.

കനത്ത സായുധസേനാ വലയത്തിലാകും മല്‍സരം നടക്കുക. മൂവായിരത്തിലധികം പൊലീസിനേയാണ് സുരക്ഷയ്ക്കായി നിയോഗിച്ചിരിക്കുന്നത്. സച്ചിനും ഇമ്രാന്‍ ഖാനും അമിതാഭ് ബച്ചനും തുടങ്ങി വിവിഐപികളുടെ നീണ്ട നിരയും മല്‍സരം കാണാനുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha