ട്വന്റി20 ക്രിക്കറ്റിലെ മിന്നലടിക്കാരനായ വെസ്റ്റിന്‍ഡീസ് ഇതിഹാസതാരം ക്രിസ് ഗെയിലിന് സ്വന്തം നാട്ടില്‍ നിന്നും ഒരു പിന്‍ഗാമി.

വേഗത്തില്‍ റണ്‍സ് നേടുന്ന കാര്യത്തില്‍ മിടുക്കനായ ട്രിനിഡാഡ് ആന്റ് ടുബാഗോ ബാറ്റ്‌സ്മാന്‍ ഇറാഖ് തോമസാണ് ഗെയിലിന്റെ പാത പിന്തുടരുന്നത്. കുട്ടിക്രിക്കറ്റിലെ വേഗമേറിയ സെഞ്ച്വറിയുടെ ലോകറെക്കോഡ് ഗെയിലില്‍ നിന്നും ഇറാഖ് തട്ടിപ്പറിച്ചു.

കേവലം 21 പന്തില്‍ സെഞ്ച്വറി കുറിച്ച ഇറാഖ് അഞ്ച് ബൗണ്ടറികളും 15 സിക്‌സറുകളുമായി 31 പന്തുകളില്‍ അടിച്ചത് 131 റണ്‍സ്. ലൂയിസ് ഡിയോറില്‍ ഞായറാഴ്ച ടുബാഗോ ക്രിക്കറ്റ് അസോസിയേഷന്റെ ട്വന്റി20 മത്സരത്തിലായിരുന്നു ഇറാഖിന്റെ പ്രകടനം.

ആദ്യ മത്സരത്തില്‍ 53 പന്തില്‍ 97 റണ്‍സ് കുറിച്ച ഇറാഖ് രണ്ടാമത്തെ മത്സരത്തില്‍ കാഴ്ചവെച്ച മാരക ബാറ്റിംഗിലാണ് വെസ്റ്റിന്‍ഡീസ് സൂപ്പര്‍താരം പിന്നിലായത്. ഇറാഖിന്റെ തകര്‍പ്പന്‍ ബാറ്റിംഗ് വന്നതോടെ മത്സരത്തില്‍ തോമസിന്റെ ടീമായ സ്‌കാര്‍ബറോ/മാസന്‍ഹാള്‍ എതിരാളികളായ സ്‌പോസൈഡിന്റെ 152 റണ്‍സ് വെറും എട്ട് ഓവറില്‍ മറികടന്നു.

ഇറാഖിന്റെ ആദ്യ സെഞ്ച്വറി കൂടിയായിരുന്നു. പൂണെ വാരിയേഴ്‌സിനെതിരേ 2013 ഐപിഎല്ലില്‍ റോയല്‍ ചലഞ്ചേഴ്‌സ് ടീമിന് വേണ്ടി 30 പന്തില്‍ ഗെയില്‍ കുറിച്ച സെഞ്ച്വറിയുടെ റെക്കോഡാണ് പഴങ്കഥയായത്.

പക്ഷേ ഈ മത്സരത്തില്‍ ഗെയില്‍ 175 റണ്‍സ് നേടിയിരുന്നു. അടുത്ത കാലത്ത് വെസ്റ്റിന്‍ഡീസ് ക്രിക്കറ്റില്‍ അത്ഭുത താരങ്ങളുടെ വരവാണ്. ഹിറ്റര്‍മാരുടെ ഇടമായ ട്വന്റി20 യില്‍ പുരുഷ വനിതാ ലോകകപ്പുകള്‍ വെസ്റ്റിന്‍ഡീസ് നേടിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha