ഡിവില്ലിയേഴ്സിന്റെ പോരാട്ടത്തിലൂടെ ബാംഗ്ലൂര് ഫൈനലില്
തകര്ച്ചയുടെ പാതാളത്തില് നിന്ന് പുറത്താകാതെ 79 റണ്സുമായി എ.ബി. ഡിവില്ലിയേഴ്സ് എന്ന പ്രതിഭയുടെ പോരാട്ടത്തിലൂടെ ബാംഗ്ളൂര് റോയല് ചലഞ്ചേഴ്സിന് ഐ.പി.എല് ഫൈനല് പ്രവേശം. ക്വാളിഫയര് ഒന്നില് 20 ഓവറില് 158 റണ്സ് നേടിയ ഗുജറാത്ത് ലയണ്സിനെ പത്ത് പന്ത് ശേഷിക്കേ നാല് വിക്കറ്റിന് മറികടന്നാണ് ആതിഥേയര് ഈ മാസം 29ന് നടക്കുന്ന ഫൈനലിന് അര്ഹരായത്. ബുധനാഴ്ച നടക്കുന്ന എലിമിനേറ്റര് മത്സരത്തിലെ വിജയികളുമായി ഈ മാസം 27ന് രണ്ടാം ക്വാളിഫയറില് ഗുജറാത്തിന് കളിയുണ്ട്. ഈ മത്സരത്തില് ജയിക്കുന്നവരാകും ഫൈനലില് ബാംഗ്ളൂരിന്റെ എതിരാളികള്. ഡിവില്ലിയേഴ്സാണ് കളിയിലെ കേമന്.
47 പന്തില് അഞ്ച് വീതം സിക്സും ഫോറുമടക്കമാണ് ഡിവില്ലിയേഴ്സ് പുറത്താകാതെ 79 റണ്സിലത്തെിയത്. ഉറച്ച പിന്തുണയേകിയ ഇഖ്ബാല് അബ്ദുല്ല 33 റണ്സെടുത്തു. ഏഴാം വിക്കറ്റില് ഇരുവരും 91 റണ്സ് അടിച്ചെടുത്തു. വമ്പനടിക്കാരുമായി 158 റണ്സ് പിന്തുടരാനത്തെിയ ബാംഗ്ളൂരിന് അടുത്തകാലത്തൊന്നുമില്ലാത്ത തകര്ച്ചയായിരുന്നു തുടക്കത്തില്. ടോപ്സ്കോറര് പദവിയിലുള്ള കോഹ്ലിയെ പൂജ്യത്തിന് പുറത്താക്കി ധവാല് കുല്ക്കര്ണിയാണ് ഗുജറാത്തിന് മികച്ച തുടക്കമേകിയത്. ഒമ്പത് റണ്സെടുത്ത ക്രിസ് ഗെയ്ലിനെയും റണ്ണൊന്നുമെടുക്കാതെ ലോകേഷ് രാഹുലിനെയും മലയാളി താരം സചിന് ബേബിയെയും മടക്കിയ കുല്ക്കര്ണി എതിരാളികളെ മൂന്നിന് 25 എന്ന നിലയിലാക്കി. അപകടകാരികളായ ഷെയ്ന് വാട്സനെയും (ഒന്ന്) സ്റ്റുവര്ട്ട് ബിന്നിയെയും (21) രവീന്ദ്ര ജദേജ പുറത്താക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha