ഞങ്ങള്ക്കുമുണ്ട് സാറേ അന്താരാഷ്ട്ര ക്രിക്കറ്റ് വേദി... കളി കാണാന് ആവേശത്തോടെ അനന്തപുരി, കാര്യവട്ടം ഗ്രീന്ഫീല്ഡ് സ്റ്റേഡിയം 1988ലെ തോല്വി ഏറ്റുവാങ്ങുമോയെന്ന് തിരുവനന്തപുരത്തുകാര് ആശങ്കപ്പെടുന്നു
തിരുവനന്തപുരത്തുക്കാര് ഇപ്പോള് ഏറെ ആവേശത്തിലാണ്. കൊച്ചിയ്ക്ക് മാത്രമല്ല ഇനി തിരുവനന്തപുരത്തുക്കാര്ക്കും അഹങ്കരിക്കാം. ഞങ്ങള്ക്കുമുണ്ട് ഒരു അന്താരാഷ്ട്ര ക്രിക്കറ്റ് വേദി ഇതാണ് ഇപ്പോള് അനന്തപുരിയിലെ ഓരോ ക്രിക്കറ്റ് പ്രേമികളും അഹങ്കാരത്തോടെ പറയുന്നത്.
നവംബര് ഏഴിന് കളി കാണാന് കാത്തിരിക്കുകയാണ് അനന്തപുരിയിലെ ഓരോ കളിപ്രേമികളും. ഗ്രീന്ഫീല്ഡ് സ്റ്റേഡിയത്തിലെ കളി കണ്ടിട്ടേ ഇനി കാര്യമുള്ളൂ എന്ന തീരുമാനത്തിലാണ് അനന്തപുരിക്കാര്. റ്റി 20 ഇന്ത്യ ന്യൂസിലാന്റ് മത്സരം കാണാന് ടിക്കറ്റ് കിട്ടുമോ ഇല്ലയോ എന്നാണ് പലരും കാത്തിരിക്കുന്നത്.
അടുത്ത മാസം ഏഴിന് ഇന്ത്യയും ന്യൂസിലാന്റും തമ്മില് കടുത്ത മത്സരം നടക്കുമ്പോള് ഇന്ത്യ വിജയിക്കട്ടെ എന്നു തന്നെയാണ് ഓരോ മലയാളിയുടെയും മനസിലെ ആഗ്രഹം. ടിക്കറ്റ് വില അല്പം കൂടിയിട്ടില്ലെയെന്നാണ് സോഷ്യല് മീഡിയയിലെ ചര്ച്ച. എന്നാല് വിദ്യാര്ത്ഥികള്ക്ക് ആശ്വാസമായി ഇളവ് നല്കിയിട്ടുണ്ട്.
വിദ്യാര്ത്ഥികള്ക്ക് 350 രൂപയ്ക്ക് ടിക്കറ്റ് നല്കുമെന്നാണ് സംഘാടകര് അറിയിച്ചിരിക്കുന്നത്. എന്നാല് ഇനിയും ടിക്കറ്റ് വില കൂടാന് സാധ്യതയുണ്ടെന്നാണ് റിപ്പോര്ട്ടുകള്. അപ്പര് ടൈര് ടിക്കറ്റുകളുടെ നിരക്ക് 700 രൂപയും ലോവര് ടൈര് ടിക്കറ്റുകള്ക്ക് രൂപ 1000 എന്നീ രീതിയിലാണ് ഇപ്പോള് ക്രമീകരിച്ചിട്ടുള്ളത്. ഇനിയും ടിക്കറ്റ് വില കൂടാന് സാധ്യതയുണ്ടെന്നാണ് അറിയുന്നത്. ഏഴ് മണിക്ക് ആരംഭിക്കുന്ന മത്സരത്തിനു വൈകുന്നേരം 4 മുതലാവും സ്റ്റേഡിയത്തിലേക്കുള്ള പ്രവേശനാനുമതി.
ഫെഡറല് ബാങ്ക് ആണ് മത്സരത്തിന്റെ ടിക്കറ്റിംഗ് പങ്കാളിയായിരിക്കുന്നത്. 41 ബ്രാഞ്ചുകളില് നിന്നാണ് ടിക്കറ്റ് വില്പന ക്രമീകരിച്ചിരിക്കുന്നത്. ക്രിക്കറ്റ് കാണാന് വരുന്നവര്ക്ക് വെള്ളവും ഭക്ഷണവും നല്കണമെന്നാണ് പ്രധാനമായി ക്രിക്കറ്റ് പ്രേമികള് ഉന്നയിക്കുന്ന ആവശ്യം. 240 കോടി രൂപ ചെലവിട്ടാണ് ഗ്രീന്ഫീല്ഡ് സ്റ്റേഡിയം നിര്മിച്ചത്. അത്ലറ്റിക്സും ഫുട്ബോളും ഉള്പ്പടെ വിവിധ മത്സരങ്ങള്ക്കുള്ള സൗകര്യങ്ങളോടെയാണ് സ്റ്റേഡിയം നിര്മിച്ചത്.
1988 ജനുവരി 25നാണ് തിരുവനന്തപുരം അവസാനമായി ഒരു അന്താരാഷ്ട്ര ഏകദിന ക്രിക്കറ്റ് മത്സരത്തിന് വേദിയായത്. യൂണിവേഴ്സിറ്റി സ്റ്റേഡിയമായിരുന്നു അന്ന് വേദി. വെസ്റ്റിന്ഡീസും ഇന്ത്യയും തമ്മിലുള്ള ഏകദിനമായിരുന്നു മത്സരം. അന്ന് വിന്ഡീസിനായിരുന്നു ജയം.
ഒന്പത് റണ്സിനാണ് സന്ദര്ശകര് വിജയിച്ചത്. കപില്ദേവ്, ശ്രീകാന്ത്, അമര്നാഥ്, വിവ് റിച്ചാര്ഡ്സ്, ഫില് സിമണ്സ്, ഗോര്ഡന് ഗ്രീനിഡ്ജ് എന്നിവരെല്ലാം അന്ന് കളിച്ചിരുന്നു. ഇന്ത്യയിലെ ആദ്യത്തെ സിഡൈന് ബില്ഡ് ഓപ്പറേറ്റ് ആന്റ് ട്രാന്സന്ഫര് സ്റ്റേഡിയമാണിത്.
50000 വരെ കാണികളെ ഉള്ക്കൊള്ളുവാനുള്ള ശേഷിയാണ് ഈ സ്റ്റേഡിയത്തിനുള്ളത്. 2015 ലെ ദേശീയ ഗെയിംസിനും 2015 സാഫ് ചാമ്പ്യന്ഷിപ്പിനും ഈ സ്റ്റേഡിയം വേദിയായി. നവംബര് ഏഴിന് നടക്കുന്ന കളിയില് കാണികള്ക്ക് സര്ക്കാര് എല്ലാവിധ സുരക്ഷയും ഏര്പ്പെടുത്തുമെന്നാണ് പ്രതീക്ഷ.
ഇത് കൂടാതെ, തിരുവനന്തപുരത്തുക്കാര്ക്ക് സന്തോഷിക്കാന് മറ്റൊരു കളി കൂടി കാര്യവട്ടം ഗ്രീന്ഫീല്ഡ് സ്റ്റേഡിയത്തില് ഉടന് ഉണ്ടാകുമെന്നാണ് അറിയുന്നത്. ശ്രീലങ്കഇന്ത്യ മല്സരവും ചിലപ്പോള് കാര്യവട്ടം ഗ്രീന്ഫീല്ഡ് സ്റ്റേഡിയത്തില് വിരുന്നെത്തുമെന്നാണ് പ്രതീക്ഷിക്കുന്നത്.
ശ്രീലങ്ക ഇന്ത്യ പര്യടനത്തിലെ ടെസ്റ്റ് മല്സരം തിരുവനന്തപുരത്ത് നടത്തുന്നത് സംബന്ധിച്ച് ചര്ച്ച നടക്കുന്നുണ്ടെന്ന് ബന്ധപ്പെട്ടവര് അറിയിച്ചിരിക്കുന്നത്. ഇപ്പോള് ട്വന്റി 20 മല്സരം നടത്താനാണ് അനുമതി. വിശദവിവരങ്ങള് പിന്നീട് ബിസിസിഐ അറിയിക്കും. സെപ്തംബര് ഡിസംബര് കാലയളവിലാണ് ഇന്ത്യന് ടീം നാട്ടില് കളിക്കുക. ശ്രീലങ്ക, ഓസ്ട്രേലിയ, ന്യൂസിലാന്റ് എന്നീ രാജ്യങ്ങളിലെ താരങ്ങള് ഇക്കാലയളവില് ഇന്ത്യയില് പര്യടനത്തിനെത്തും.
https://www.facebook.com/Malayalivartha