രഞ്ജി ട്രോഫി ക്രിക്കറ്റില് അഞ്ച് റണ്സിന് കര്ണാടകയെ കീഴടക്കി വിദര്ഭ ഫൈനലില്, എതിരാളി ഡല്ഹി
രഞ്ജി ട്രോഫി ക്രിക്കറ്റില് വിദര്ഭ-ഡല്ഹി ഫൈനല്. കൊല്ക്കത്തയില് നടന്ന സെമിയില് ആവേശകരമായ മത്സരത്തിനൊടുവില് കര്ണാടകയെ തോല്പ്പിച്ചായിരുന്നു വിദര്ഭയുടെ വിജയം. അഞ്ചു റണ്സിനാണ് വിദര്ഭ കര്ണാടകയെ വിജയിപ്പിച്ചത്. 198 റണ്സ് വിജയലക്ഷ്യവുമായി ഇറങ്ങിയ കര്ണാടകയെ 192 റണ്സിന് വിദര്ഭ പുറത്താക്കുകയായിരുന്നു.
23.1 ഓവറില് 68 റണ്സ് മാത്രം വഴങ്ങി ഏഴു വിക്കറ്റ് വീഴ്ത്തിയ ആര്.എന് ഗുര്ബാനിയാണ് കര്ണാടകയുടെ നട്ടെല്ലൊടിച്ചത്. ആദ്യ ഇന്നിങ്സില് അഞ്ചു വിക്കറ്റ് നേടിയിരുന്ന ഗുര്ബാനി മത്സരത്തിലാകെ 12 വിക്കറ്റാണ് വീഴ്ത്തിയത്. കര്ണാടകയുടെ അഞ്ചു ബാറ്റ്സ്മാന്മാര് രണ്ടക്കം കാണാതെ പുറത്തായി. 36 റണ്സെടുത്ത വിനയ് കുമാറാണ് ടോപ്പ് സ്കോറര്.
ആദ്യ ഇന്നിങ്സില് 116 റണ്സ് ലീഡ് നേടിയ ശേഷമായിരുന്നു കര്ണാടകയുടെ തോല്വി. ആദ്യ ഇന്നിങ്സില് വിദര്ഭയെ 185 റണ്സിന് പുറത്താക്കി കര്ണാടക 301 റണ്സടിച്ചിരുന്നു. സെഞ്ചുറി നേടിയ കരുണ് നായരും 73 റണ്ടിച്ച സി.എം ഗൗതമുമാണ് കര്ണാടകയ്ക്ക് മികച്ച സ്കോര് നല്കിയത്. എന്നാല് മറുപടി ബാറ്റിങ്ങിനിറങ്ങിയ വിദര്ഭ ആദ്യ ഇന്നിങ്സിലെ പിഴവ് ആവര്ത്തിച്ചില്ല.
81 റണ്സടിച്ച ഗണേശ് സതീഷിന്റെയും 49 റണ്സ് നേടിയ വാംഖഡെയുടെയും മികവില് 313 റണ്സടിച്ച് കര്ണാടകയുടെ മുന്നില് 198 റണ്സിന്റെ വിജയലക്ഷ്യം വെയ്ക്കുകയായിരുന്നു. ബംഗാളിനെതിരെ ആധികാരിക വിജയം നേടിയാണ് ഡല്ഹി ഫൈനല് ടിക്കറ്റെടുത്തത്. ഇന്നിങ്സിനും 26 റണ്സിനുമായിരുന്നു ഡല്ഹിയുടെ വിജയം. ആദ്യ ഇന്നിങ്സില് ബംഗാള് 286 റണ്സിന് പുറത്തായപ്പോള് മറുപടി ബാറ്റിങ്ങിനിറങ്ങിയ ഡല്ഹി 398 റണ്സ് നേടി.
പിന്നീട് രണ്ടാം ഇന്നിങ്സില് ബാറ്റിങ്ങിനിറങ്ങിയ ബംഗാളിന് ഡല്ഹിയുടെ ഒന്നാമിന്നിങ്സ് ലീഡ് പോലും മറികടക്കാനായില്ല. നാല് വിക്കറ്റ് വീതം വീഴ്ത്തിയ നവദീപ് അമര്ജിത് സാഹ്നിയും ഖുല്വന്തുമാണ് ബംഗാളിനെ 86 റണ്സിന് പുറത്താക്കി. ആദ്യ ഇന്നിങ്സില് ഓപ്പണര്മാരായ കുണാല് ചന്ദേലയും ഗൗതം ഗംഭീറും ഡല്ഹിക്കായി സെഞ്ചുറി നേടിയപ്പോള് ബംഗാളിനായി കളിച്ച മുഹമ്മദ് ഷമി ആറു വിക്കറ്റ് വീഴ്ത്തി.
https://www.facebook.com/Malayalivartha