ആദ്യമായി കേരള പ്രീമിയര് ലീഗില് കേരള ഫുട്ബോളിലെ അതിശക്തരായ രണ്ട് ക്ലബുകള് നേര്ക്കുനേര്
കേരള പ്രീമിയര് ലീഗില് ഇന്ന് കേരളം കാത്തു നിന്ന പോരാട്ടമാണ്. ആദ്യമായി കേരള പ്രീമിയര് ലീഗില് കേരള ഫുട്ബോളിലെ അതിശക്തരായ രണ്ട് ക്ലബുകള് നേര്ക്കുനേര്. അതും അതിനിര്ണായകമായ സെമി ഫൈനലില്. ഗോകുലം കേരള എഫ് സിയും കേരള ബ്ലാസ്റ്റേഴ്സും ഇന്ന് കേരള പ്രീമിയര് ലീഗ് ഫൈനല് തേടിക്കൊണ്ട് കോഴിക്കോട് ഇ എം എസ് സ്റ്റേഡിയത്തില് ഇറങ്ങും. നിലവിലെ കേരള പ്രീമിയര് ലീഗ് ചാമ്ബ്യന്മാരായ ഗോകുലം കേരള എഫ് സി കിരീടം നിലനിര്ത്താം എന്ന പ്രതീക്ഷയില് തന്നെയാണ്.
ഗ്രൂപ്പ് ഘട്ടത്തില് കളിച്ച എല്ലാ മത്സരങ്ങളും വിജയിച്ച് റെക്കോര്ഡ് ഇട്ടാണ് ഗോകുലം കേരള എഫ് സി സെമി ഫൈനലിലേക്ക് എത്തിയത്. കേരള ബ്ലാസ്റ്റേഴ്സ് ആകട്ടെ ഗ്രൂപ്പില് അവസാനം ഇന്ത്യന് നേവിയോടേറ്റ പരാജയത്തോടെ രണ്ടാം സ്ഥാനത്തേക്ക് പിന്തള്ളപ്പെട്ടിരുന്നു. കേരള ബ്ലാസ്റ്റേഴ്സിന് ഇത് കേരള പ്രീമിയര് ലീഗിലെ ആദ്യ സെനി ഫൈനലാണ്. ഇവിടെ എങ്കിലും കിരീടം നേടാന് ആകുമെന്നാണ് ബ്ലാസ്റ്റേഴ്സ് പ്രതീക്ഷിക്കുന്നത്.
റിസേര്വ്സ് ടീമാണ് ഭൂരിഭാഗവും കളിക്കുക എങ്കിലും ഐലീഗിലെയും ഐ എസ് എല്ലിലെയും ചില പരിചിത മുഖങ്ങളും ഇന്ന് കളത്തില് ഇറങ്ങും. കേരള ബ്ലാസ്റ്റേഴ്സിനായി കേരള പ്രീമിയര് ലീഗില് സ്റ്റൊഹാനോവച് ഒക്കെ കളിക്കാറുണ്ട്. ഗോകുലത്തിനായി സബാ, അഡോ തുടങ്ങിയവരൊക്കെ മുമ്ബ് കളിച്ചിട്ടുണ്ട്. ഇന്ന് ഇരു ക്ലബുകളും ശക്തമായ നിരയെ തന്നെ ഇറക്കിയേക്കും.
കോഴിക്കോട് സ്റ്റേഡിയത്തില് ആരാധകര് നിറയാനും ഇന്ന് സാധ്യതയുണ്ട്. വൈകിട്ട് 4 മണിക്കാകും മത്സരം നടക്കുക. തത്സമയം മൈകൂജോ വെബ്സൈറ്റും ആപ്പും വഴി മത്സരം കാണാം. ഇന്നലെ നടന്ന സെമി ഫൈനലില് ജയിച്ച് ഇന്ത്യന് നേവി നേരത്തെ തന്നെ ഫൈനല് ഉറപ്പിച്ചിരുന്നു.
https://www.facebook.com/Malayalivartha
