കോപ അമേരിക്ക ഫുട്ബാളിലെ ആദ്യ ക്വാര്‍ട്ടര്‍ ഫൈലനില്‍ ഇക്വഡോറിനെതിരെ ആതിഥേയരായ യു.എസ്.എക്ക് തകര്‍പ്പന്‍ ജയം. ഒന്നിനെതിരെ രണ്ട് ഗോളുകള്‍ക്കാണ് ഇക്വഡോറിനെ തകര്‍ത്തത്. ഇക്വഡോറിനെതിരായ വിജയത്തോടെ യു.എസ്.എ സെമി ഫൈനല്‍ ഉറപ്പിച്ചു. 1995ന് ശേഷം ആദ്യമായാണ് കോപ അമേരിക്ക സെമി ഫൈനലില്‍ യു.എസ്.എ എത്തുന്നത്. 

മത്സരം തുടങ്ങി 22 മിനിറ്റ് പിന്നിട്ടപ്പോള്‍ യു.എസ്.എയുടെ ആദ്യ ഗോള്‍ പിറന്നു. ജെര്‍മിയന്‍ ജോണ്‍സ് നല്‍കിയ പാസില്‍ മധ്യഭാഗത്തു നിന്നുള്ള ഹെഡറിലൂടെയാണ് ക്ലിന്റ് ഡെംപ്‌സെ ഇക്വഡോര്‍ വല ചലിപ്പിച്ചത്. 65ാം മിനിട്ടില്‍ യു.എസ്.എ ഗോള്‍ ആവര്‍ത്തിച്ചു. ഗ്യാസി സര്‍ഡേസാണ് രണ്ടാം ഗോള്‍ നേടിയത്. ക്ലിന്റ് ഡെംപ്‌സെയുടെ പാസില്‍ നിന്ന് ഗ്യാസി സര്‍ഡേസ് തൊടുത്ത വലതുകാല്‍ ഷോട്ടാണ് ഗോളായത്. 

രണ്ടാം പകുതിയില്‍ 74ാം മിനിട്ടിലെ ഗോളോടെ ഇക്വഡോര്‍ തിരിച്ചടിച്ചു. വാള്‍ട്ടര്‍ അയോവിയുടെ പാസില്‍ മൈക്കല്‍ അറോയോ ആണ് ടീമിനായി ആശ്വാസ ഗോള്‍ നേടിയത്. ക്വാര്‍ട്ടര്‍ ഫൈനല്‍ മത്സരത്തില്‍ രണ്ടു താരങ്ങള്‍ ചുവപ്പ് കാര്‍ഡ് കണ്ട് പുറത്തായി. യു.എസ്.എയുടെ ജെര്‍മിയന്‍ ജോണ്‍സും ഇക്വഡോറിന്റെ അന്റോണിയോ വലന്‍സിയയുമാണ് ചുവപ്പ് കാര്‍ഡ് കണ്ടവര്‍. ഫൗള്‍ ചെയ്ത ഇക്വഡോറിന്റെ വലന്‍സിയ 37ാം മിനിട്ടില്‍ ആദ്യത്തെയും 52ാം മിനിട്ടില്‍ രണ്ടാമത്തെയും മഞ്ഞ കാര്‍ഡ് കണ്ടു. മോശം പെരുമാറ്റത്തെ തുടര്‍ന്ന് 52ാം മിനിട്ടിലാണ് യു.എസ്.എയുടെ ജെര്‍മിയന് ജോണ്‍സ് ചുവപ്പ് കാര്‍ഡ് കണ്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha