ലോകകപ്പ് തോല്‍വിയുടെ മധുര പ്രതികാരം വീട്ടി ബ്രസീലിന് കന്നി ഒളിമ്പിക്‌സ് സ്വര്‍ണം
ഇത് ഞങ്ങളുടെ സ്ഥലം. കളി ഇവിടെ വേണ്ട മക്കളേ. ഇന്നലെ ബ്രസീലുകാരുടെ കളി അങ്ങനായിരുന്നു.
റിയോ ഒളിമ്പിക്‌സ് ഫുട്‌ബോളില്‍ ചരിത്ര വിജയത്തോടെ ബ്രസീലിന് സ്വര്‍ണം. പെനാല്‍റ്റി ഷൂട്ടൗട്ടിലേക്ക് നീണ്ട മത്സരത്തിനൊടുവില്‍ 5-4നായിരുന്നു ബ്രസീലിന്റെ വിജയം. നെയ്‌മെറുടത്ത അവസാന പെനാല്‍റ്റി ജര്‍മനിയുടെ വലയില്‍ എത്തിയതോടെ ബ്രസീല്‍ ഒളിമ്പിക്‌സ് ജേതാക്കളാവുകയായിരുന്നു
ഒളിമ്പിക്‌സ് ഫുട്‌ബോളിലെ ബ്രസീലിന്റെ ആദ്യ സ്വര്‍ണം ആണിത്. 2014 ലോകകപ്പ് സെമിഫൈനലില്‍ ജര്‍മനിയോടേറ്റ 7-1ന്റെ ഞെട്ടിക്കുന്ന തോല്‍വിക്കുള്ള മധുര പ്രതികാരം കൂടിയായിരുന്നു ബ്രസീലിന്റെ വിജയം. കളി തുടങ്ങി ആദ്യ മിനിറ്റുകളില്‍ തന്നെ ബ്രസീല്‍ ആക്രമിച്ചു കളിച്ചു. 27ാം മിനിറ്റിലാണ് ആദ്യ ഗോള്‍ പിറന്നത്. നെയ്മറെടുത്ത ഫ്രീ കിക്ക് ജര്‍മനിയുടെ പ്രതീക്ഷകളെ തെറ്റിച്ചു. എന്നാല്‍ അതേ നാണയത്തില്‍ തിരിച്ചടിച്ച ജര്‍മനി ക്യാപ്റ്റന്‍ മാക്‌സിമില്ല്യന്‍ മേയറിലൂടെ ഗോള്‍ മടക്കി. 59ാം മിനിറ്റിലായികരുന്നു മാക്‌സ് മേയറിന്റെ ഗോള്‍ പിറന്നത്.
പിന്നീട് ഇരുടീമുകളും വിജയ ഗോളിനായി പരിശ്രമിച്ചെങ്കിലും ഒന്നും ലക്ഷ്യത്തിലെത്തിയില്ല. നിശ്ചിത സമയത്തിന്റെ അവസാന മിനിറ്റുകളില്‍ ബ്രസീല്‍ നിരന്തരം ജര്‍മനിയുടെ ഗോള്‍മുഖം പരീക്ഷിച്ചു. പക്ഷേ എല്ലാം പ്രതിരോധത്തില്‍ തട്ടിത്തകര്‍ത്തു. ആധികമസമയത്തും ഗോള്‍ മാത്രം പിറന്നില്ല. അവസാനം അനിവാര്യമായ പെനാല്‍റ്റി ഷൂട്ടൗട്ടിലേക്ക് മത്സരം നീണ്ടു. മത്തിയസ് ജിന്റര്‍, സെര്‍ജി ഗ്‌നാബ്രി, ജൂലിയന്‍ ബ്രാന്‍ഡ്റ്റ്, നിക്ക്‌ലസ് സ്യൂലെ എന്നിവര്‍ ജര്‍മനിക്കായി ലക്ഷ്യം കണ്ടപ്പോള്‍ നില്‍സ് പീറ്റേഴ്‌സണ് മാത്രം പിഴച്ചു. ഓഗസ്‌റ്റോ റെനാറ്റോ, മാര്‍ക്ക്യുഞ്ഞോസ്, റാഫേല്‍ അല്‍കാന്റാറ, ലുവാന്‍, നെയ്മര്‍ എന്നിവര്‍ ബ്രസീലിനായി പെനാല്‍റ്റി വലയിലെത്തിച്ചു.
അഞ്ചു തവണ ലോകകപ്പ് നേടിയ ബ്രസീലിനു ഇതുവരെ ഒളിമ്പിക്‌സില്‍ സ്വര്‍ണം നേടാന്‍ കഴിഞ്ഞിരുന്നില്ല. 2014 ഫുട്ബോള് ലോകകപ്പ് സെമി ഫൈനലില്‍ സ്വന്തം നാട്ടുകാര്‍ക്കു മുന്നില്‍ ജര്‍മനിയില്‍നിന്നേറ്റ കനത്ത തോല്‍വിക്കുള്ള മറുപടികൂടിയാണ് ഈ വിജയം. അങ്ങനെ അവര്‍ വീട്ടി ആ മധുരപ്രതികാരം.
https://www.facebook.com/Malayalivartha
