കൊളമ്പിയയുടെ മൂന്നാം മുറ; പാളണ്ടിന് പുറത്തേക്കുള്ള വഴി കാണിച്ചുകൊടുത്ത് കൊളംബിയ; തകര്ത്തത് എതിരില്ലാത്ത മൂന്നു ഗോളിന്
സൂപ്പര് താരം റോഡ്രിഗസിന്റെ കൊളംബിയയോട് എതിരില്ലാത്ത മൂന്നു ഗോളുകള്ക്കാണ് പോളണ്ട് അടിയറവു പറഞ്ഞത്. ഇതോടെ റഷ്യന് ലോകകപ്പില് നിന്നുംപോളണ്ട് പുറത്തായി. യെറി മിനാ, റഡാമല് ഫാല്ക്കാവോ, യുവാന് ക്വാഡ്രഡോ എന്നിവരാണ് കൊളംബിയയ്ക്കായി പോളണ്ടിന്റെ വലകുലുക്കിയത്
ലോകകപ്പില് നിന്ന് പുറത്താകും എന്ന അവസ്ഥ വരെയെത്തി കൊളംബിയ എന്നാല്, വൈകിയാണെങ്കിലും ഞെട്ടലില് നിന്ന് ഉയര്ത്തെഴുന്നേറ്റിരിക്കുകയാണ് ടീം. നാല്പതാം മിനിറ്റില് മിനയാണ് സ്കോറിങ്ങിന് തുടക്കമിട്ടത്. എഴുപതാം മിനിറ്റില് റഡാമല് ഫാല്ക്കാവോയും എഴുപത്തിയഞ്ചാം മിനിറ്റില് യുവാന് ക്വാഡ്രാഡോയും ഗോള് നേടി. ഹാമിഷ് റോഡ്രിഗസിന്റെ ഒരു ഇടങ്കാല് ക്രോസിന് ഗോളിയേക്കാള് ഉയര്ന്നു ചാടി ഫലപ്രദമായി തലവയ്ക്കുകയായിരുന്നു മിന. ഹാമിഷ് റോഡ്രിഗസ് തന്നെയാണ് ക്വാഡ്രോഡോയുടെ മൂന്നാം ഗോളിനും വഴിയൊരുക്കിയത്.
ഇരു ടീമുകളും തങ്ങളുടെ ആദ്യ മത്സരങ്ങള് തോറ്റവരാണ്. പോളണ്ട് സെനഗലിനോടും കൊളംബിയ ജപ്പാനോടും. റഷ്യന് മണ്ണില് കൊളംബിയയുടെ ആദ്യ ജയമാണിത്. ആദ്യ മല്സരത്തില് ജപ്പാനോടു തോറ്റ കൊളംബിയ, ഈ വിജയത്തോടെ പ്രീക്വാര്ട്ടര് പ്രതീക്ഷ കാത്തു. അതേസമയം, ആദ്യ മല്സരത്തില് സെനഗലിനോടു തോറ്റ പോളണ്ട്, രണ്ടാം തോല്വിയോടെ ലോകകപ്പില്നിന്ന് പുറത്തായി.
https://www.facebook.com/Malayalivartha
