ഓസ്ട്രേലിയന്‍ ഓപ്പണ്‍ നിലവിലെ ചാംപ്യന്‍ റാഫേല്‍ നദാല്‍ രണ്ടാം റൗണ്ടില്‍ പുറത്ത്. യുഎസിന്റെ മക്കന്‍സി മക്ഡൊണാള്‍ഡ് നേരിട്ടുള്ള സെറ്റുകള്‍ക്കാണ് നദാലിനെ തോല്‍പ്പിച്ചത്. സ്‌കോര്‍ 6-4, 6-4, 7-5.

മക്കന്‍സിയുടെ കരിയറിലെ ഏറ്റവും മികച്ച വിജയമാണിത്. മത്സരത്തിനിടെ നദാലിന് പരിക്കേറ്റതും തിരിച്ചടിയായി. കഴിഞ്ഞ ഏഴ് വര്‍ഷത്തിനിടെ നദാലിന്റെ ഏറ്റവും മോശം ഗ്രാന്‍ഡ്സ്ലാം ഫലമാണിത്. രണ്ടാം സെറ്റിനിടെ തന്നെ ഇടുപ്പ് വേദന അലട്ടിയിട്ടുണ്ടായിരുന്നു.

കാനഡയുടെ ഓഗര്‍ അലിയസിമെ മൂന്നാം റൗണ്ടില്‍ കടന്നു. രണ്ടിനെതിരെ മൂന്ന് സെറ്റുകള്‍ക്കാണ് താരം ജയിച്ചുകയറിയത്. സ്ലോവേനിയയുടെ അലക്സ് മോല്‍ക്കനെതിരെ ആദ്യ രണ്ട് സെറ്റും ഓഗറിന് നഷ്ടമായിരുന്നു.

അവസാന മൂന്ന് സെറ്റില്‍ തിരിച്ചടിച്ച കനേഡിയന്‍ താരം ഗംഭീര തിരിച്ചുവരവിലൂടെ മാച്ച് സ്വന്തമാക്കി. അമേരിക്കയുടെ ഫ്രാന്‍സസ് തിയോഫെയും മൂന്നാം റൗണ്ടിലെത്തി. ചൈനയുടെ ജുചെങ് ഷാംഗിനെ നേരിട്ടുള്ള സെറ്റുകള്‍ക്കാണ് തിയോഫെ തോല്‍പ്പിച്ചത്.

സ്‌കോര്‍ 6-4, 6-4, 6-1. മുന്‍ ചാംപ്യന്‍ നൊവാക് ജോകോവിച്ചിന് വിജയത്തോടെ തുടങ്ങി. ആദ്യമത്സരത്തില്‍ സ്പാനിഷ് താരം റോബര്‍ട്ടോ ബയേനയെ തോല്‍പിച്ചു. നേരിട്ടുള്ള സെറ്റുകള്‍ക്കായിരുന്നു ജോകോവിച്ചിന്റെ ജയം.