ഇംഗ്ലീഷ് പ്രീമിയര്‍ ലീഗില്‍ ആഴ്‌സണലിന് വിജയം. ക്രിസ്റ്റല്‍ പാലസിനെതിരെ മറുപടിയില്ലാത്ത ഒരു ഗോളിനായിരുന്നു ആഴ്‌സണലിന്റെ ജയം. 53ാം മിനിറ്റില്‍ ലഭിച്ച പെനാല്‍റ്റി മാര്‍ട്ടിന്‍ ഒഡെഗാര്‍ഡ് ഗോളാക്കി മാറ്റുകയായിരുന്നു.

67-ാം മിനിറ്റില്‍ ടോമിയാസു ചുവപ്പുകാര്‍ഡ് കണ്ട് പുറത്തായതിനെ തുടര്‍ന്ന് 10 പേരുമായാണ് ആഴ്‌സണല്‍ മല്‍സരം പൂര്‍ത്തിയാക്കിയിരിക്കുന്നത്.

തുടര്‍ച്ചയായ രണ്ടാം ജയവുമായി ആഴ്‌സണല്‍ പോയിന്റ് പട്ടികയില്‍ മൂന്നാമതാണ്. ഒരു ജയവും ഒരു തോല്‍വിയുമായി ക്രിസ്റ്റല്‍ പാലസ് പതിനൊന്നാമതാണ്.