പാകിസ്ഥാന് ഉയര്ത്തിയ 283 റണ്സ് വിജയലക്ഷ്യം പിന്തുടര്ന്ന അഫ്ഗാന് ഒരോവര് ശേഷിക്കേ രണ്ട് വിക്കറ്റുകള് മാത്രം നഷ്ടപ്പെടുത്തി ലക്ഷ്യത്തിലെത്തി
തിങ്കളാഴ്ച നടന്ന മത്സരത്തില് എട്ടുവിക്കറ്റിനാണ് അഫ്ഗാന്റെ വിജയം. പാകിസ്ഥാന് ഉയര്ത്തിയ 283 റണ്സ് വിജയലക്ഷ്യം പിന്തുടര്ന്ന അഫ്ഗാന് ഒരോവര് ശേഷിക്കേ രണ്ട് വിക്കറ്റുകള് മാത്രം നഷ്ടപ്പെടുത്തി ലക്ഷ്യത്തിലെത്തി. ഇതാദ്യമായാണ് അഫ്ഗാന് ലോകകപ്പില് രണ്ട് ജയങ്ങള് നേടുന്നത്.
ഈ ലോകകപ്പില് അഫ്ഗാന് നേടുന്ന രണ്ടാം ജയമാണിത്. ലോകചാമ്പ്യന്മാരെ അട്ടിമറിച്ചായിരുന്നു ഈ ലോകകപ്പിലെ ആദ്യവിജയം. മൂന്നാം തോല്വിയോടെ പാകിസ്താന്റെ സെമി സാധ്യത പരുങ്ങലിലായി. ഇബ്രാഹിം സദ്രാന്, റഹ്മാനുള്ള ഗുര്ബാസ്, റഹ്മത് ഷാ എന്നിവരുടെ അര്ധ സെഞ്ച്വറികളാണ് അഫ്ഗാന് ജയം എളുപ്പമാക്കിയത്.
283 റണ്സ് വിജയലക്ഷ്യത്തിലേക്ക് തകര്പ്പന് തുടക്കമായിരുന്നു അഫ്ഗാന്റേത്. റഹ്മാനുള്ള ഗുര്ബാസ് - ഇബ്രാഹിം സദ്രാന് ഓപ്പണിങ് സഖ്യം 21.1 ഓവറില് 130 റണ്സ് ചേര്ത്തപ്പോള് തന്നെ അഫ്ഗാന് മത്സരവിജയം തങ്ങള്ക്കൊപ്പമെന്ന സന്ദേശം നല്കിയിട്ടുണ്ടായിരുന്നു. 53 പന്തില് നിന്ന് ഒരു സിക്സും ഒമ്പത് ഫോറുമടക്കം 65 റണ്സെടുത്ത ഗുര്ബാസിനെ മടക്കി ഷഹീന് അഫ്രീദി ഈ കൂട്ടുകെട്ട് പൊളിച്ചു. എന്നാല് രണ്ടാം വിക്കറ്റില് റഹ്മത്ത് ഷായെ കൂട്ടുപിടിച്ച് സദ്രാന് 60 റണ്സിന്റെ കൂട്ടുകെട്ടുണ്ടാക്കിയതോടെ പാകിസ്ഥാന് വീണ്ടും പ്രതിരോധത്തിലായി.
" f
https://www.facebook.com/Malayalivartha