പ്രതീക്ഷയോടെ.... ഇന്ത്യ ഓസീസ് മൂന്നാം വനിത ഏകദിനം ഇന്ന്
ആസ്ട്രേലിയക്കെതിരായ ഏകദിന പരമ്പര നഷ്ടമായ ഇന്ത്യന് വനിതകള്ക്ക് ഇന്നിറങ്ങുന്നു. പരമ്പരയിലെ മൂന്നാമത്തെയും അവസാനത്തെയും കളിയില് ആതിഥേയര്ക്ക് ജയിച്ചേ തീരൂ. ഇംഗ്ലണ്ടിനും ആസ്ട്രേലിയക്കുമെതിരെ ടെസ്റ്റ് മത്സരങ്ങളില് ചരിത്രവിജയം സ്വന്തമാക്കിയ ഹര്മന്പ്രീത് കൗറും സംഘവും പക്ഷേ ഓസീസിനെതിരെ ഇത്തരമൊരു തിരിച്ചടി പ്രതീക്ഷിച്ചുകാണില്ല. രണ്ടാം ഏകദിനത്തില് ജയത്തിനരികിലെത്തിയ ടീം മൂന്ന് റണ്സിനാണ് തോറ്റത്.
ക്യാപ്റ്റന് ഹര്മന്റെ ഫോമാണ് ഇന്ത്യയുടെ അലട്ടുന്ന പ്രധാന പ്രശ്നം. മറ്റു ബാറ്റര്മാരെല്ലാം നിര്ണായക സംഭാവനകള് നല്കുമ്പോഴും നായിക അവസരത്തിനൊത്തുയരുന്നില്ല.
ആസ്ട്രേലിയക്കെതിരെ സ്വന്തം മണ്ണില് തുടര്ച്ചയായ ഒമ്പത് മത്സരങ്ങളാണ് ഇന്ത്യ തോറ്റത്. വൈറ്റ് ബാള് ക്രിക്കറ്റിലേക്ക് വരുമ്പോള് കളി മറക്കുന്ന സാഹചര്യമാണിപ്പോഴുമുള്ളത്.
ടീം ഇവരില്നിന്ന്
ഇന്ത്യ: ഹര്മന്പ്രീത് കൗര് (ക്യാപ്റ്റന്), സ്മൃതി മന്ദാന, ജെമീമ റോഡ്രിഗസ്, ഷഫാലി വര്മ, ദീപ്തി ശര്മ, യാസ്തിക ഭാട്യ, റിച്ച ഘോഷ്, അമന്ജോത് കൗര്, ശ്രേയങ്ക പാട്ടീല്, മന്നത്ത് കശ്യപ്, സെയ്ക ഇസ്ഹാഖ്, രേണുക സിങ് താക്കൂര്, ടിറ്റാസ് സാധു, പൂജ വസ്ത്രകാര്, സ്നേഹ് റാണ, ഹര്ലീന് ഡിയോള്.
ആസ്ട്രേലിയ: അലീസ ഹീലി (ക്യാപ്റ്റന്), ഡാര്സി ബ്രൗണ്, ഹീതര് ഗ്രഹാം, ആഷ്ലി ഗാര്ഡ്നര്, കിം ഗാര്ട്ട്, ജെസ് ജോനാസെന്, അലാന കിങ്, ഫോബ് ലിച്ച്ഫീല്ഡ്, തഹ് ലിയ മക്ഗ്രാത്ത്, ബെത്ത് മൂണി, എല്ലിസ് പെറി, മേഗന് ഷട്ട്, അന്നാബെല് സതര്ലാന്ഡ്, ജോര്ജിയ വെയര്ഹാം.
"
https://www.facebook.com/Malayalivartha