ഷെഫീല്ഡ് യുനൈറ്റഡിനോട് സമനില വഴങ്ങി ചെല്സി....
ഇംഗ്ലീഷ് പ്രീമിയര് ലീഗില് ഇന്ജുറി ടൈമില് വഴങ്ങിയ ഗോളില് തരംതാഴ്ത്തല് ഭീഷണി നേരിടുന്ന ഷെഫീല്ഡ് യുനൈറ്റഡിനോട് സമനില വഴങ്ങി ചെല്സി. ഇരു ടീമുകളും രണ്ടു ഗോളുകള് വീതം നേടി സമനിലയില് പിരിഞ്ഞു.
യുവേഫ യൂറോപ്പ ലീഗ് യോഗ്യത നേടാമെന്ന ചെല്സിയുടെ പ്രതീക്ഷക്ക് കനത്ത തിരിച്ചടിയാണ് നിര്ണായക മത്സരത്തിലെ സമനില. നിലവില് 30 മത്സരങ്ങളില്നിന്ന് 44 പോയന്റുമായി ലീഗില് ഒമ്പതാം സ്ഥാനത്താണ്.
കഴിഞ്ഞദിവസം ഇന്ജുറി ടൈം നാടകീയതക്കൊടുവില് കരുത്തരായ മാഞ്ചസ്റ്റര് യുനൈറ്റഡിനെ തകര്ത്തതിന്റെ ആവേശത്തില് ഷെഫീല്ഡ് തട്ടകത്തില് കളിക്കാനിറങ്ങിയ നീലപ്പടക്ക് ആ പോരാട്ടവീര്യം പുറത്തെടുക്കാന് കഴിഞ്ഞില്ല.
തിയാഗോ സില്വയിലൂടെ 11ാം മിനിറ്റില് തന്നെ ചെല്സി മത്സരത്തില് മുന്നിലെത്തുകയും ചെയ്തു. 32ാം മിനിറ്റില് ബോഗ്ളിലൂടെ ആതിഥേയര് ഒപ്പമെത്തി. യുവതാരം കോള് പാല്മറിന്റെ അസിസ്റ്റില് നോനി മദുകെ 66ാം മിനിറ്റില് ചെല്സിയെ വീണ്ടും മുന്നിലെത്തിച്ചു.
മത്സരത്തില് ചെല്സി ഒരു ഗോളിന് ജയം ഉറപ്പിച്ചിരിക്കെയാണ് ഇന്ജുറി ടൈംമില് (90+3) ഒലി മക്ബര്ണിയുടെ ക്ലോസ് റേഞ്ച് ഗോളിലൂടെ ഷെഫീല്ഡ് സമനില നേടിയത്.
"
https://www.facebook.com/Malayalivartha
