ഫെഡറേഷന്‍ കപ്പ്‌ വോളിബോള്‍ ചാമ്പ്യന്‍ഷിപ്പ്‌ ഫെബ്രുവരി 26 മുതല്‍ മാര്‍ച്ച്‌ 5 വരെ എറണാകുളം കിഴക്കമ്പലത്ത്‌ നടക്കും. മൂന്നാം തവണയാണ്‌ കേരളം ഫെഡറേഷന്‍ കപ്പിന്‌ ആതിഥ്യമരുളുന്നത്‌.

ഈ ടൂര്‍ണമെന്റില്‍ 8 പുരുഷടീമുകളും 4 വനിതാ ടീമുകളും പങ്കെടുക്കുന്നുണ്ട്‌. കിഴക്കമ്പലം ജിമ്മി ജോര്‍ജ്ജ്‌ ഫ്‌ളഡ്‌ലിറ്റ്‌ സ്റ്റേഡിയത്തിലാണ്‌ മത്സരം. ഇന്ന്‌ വൈകിട്ട്‌ 6.30 ന്‌ മുഖ്യമന്ത്രി ഉദ്‌ഘാടനം ചെയ്യുന്നു.
കേരളവും പഞ്ചാബും തമ്മിലാണ്‌ ആദ്യമത്സരം നടക്കുന്നത്‌. പുരുഷവിഭാഗത്തില്‍ 2 ഗ്രൂപ്പുകളായാണ്‌ മത്സരം. എ ഗ്രൂപ്പില്‍ തമിഴ്‌നാട്‌ സര്‍വ്വീസസസ്‌ ഹരിയാന, ഉത്തര്‍പ്രദേശ്‌ ടീമുകളും ബി ഗ്രൂപ്പില്‍ കേരളം, ഉത്തരാഖണ്‌ഡ്‌, പഞ്ചാബ്‌, രാജസ്ഥാന്‍ ടീമുകളാണ്‌ അണിനിരക്കുന്നത്‌ . വനിതകളില്‍ കേരളം റെയില്‍വേ, തമിഴ്‌നാട്‌, ഹരിയാന ടീമുകള്‍ മാറ്റുരയ്‌ക്കും. ടൂര്‍ണമെന്റിലെ പ്രകടനങ്ങള്‍ വിലയിരുത്തിയാണ്‌ ദേശീയടീമിന്റെ തിരഞ്ഞെടുപ്പ്‌ . ഇരു വിഭാഗങ്ങളിലും കേരളമാണ്‌ നിലവിലെ ചാമ്പ്യന്മാര്‍.