ഇന്ത്യ തോറ്റതിന് എന്റെ അനുഷ്കയെ പഴിക്കുന്നതെന്തിന്?
ലോകകപ്പ് സെമി ഫൈനല് മത്സരത്തില് ഇന്ത്യ തോറ്റതിന് തന്റെ കാമുകിയായ അനുഷ്ക ശര്മയെ പഴിക്കുന്നതെന്തിനെന്ന് വിരാട് കോഹ്ലി. തന്റെ പ്രകടനം മോശമായതിന് തന്നെയും അനുഷ്കയെയും സോഷ്യല് മീഡിയ കളിയാക്കിയതില് വേദനയുണ്ടെന്നും വിരാട് കോഹ്ലി പറഞ്ഞു.
ഇത്തരത്തില് കളിയാക്കുന്നവര്ക്കു നാണമില്ലേ എന്നും വിരാട് ചോദിച്ചു. കഴിഞ്ഞ അഞ്ച് വര്ഷമായി താന് മികച്ച കളിയാണ് കാഴ്ചവയ്ക്കുന്നത്. നിരവധി മല്സരങ്ങളില് ഇന്ത്യയെ വിജയിപ്പിച്ചു. ആര്ക്കും വിജയം കുത്തകയായി വയ്ക്കാനാകില്ല. തങ്ങള്ക്കെതിരെ ആരോപണം ഉന്നയിക്കുന്നവര് സ്വയമാണ് നാണം കെടുന്നതെന്നും കോഹ്ലി പറഞ്ഞു.
ഒരു മനുഷ്യനെന്ന നിലയില് അനുഷ്കയ്ക്കെതിരെ നടത്തിയ പ്രസ്താവനയില് എനിക്ക് വേദനയുണ്ട്. മാത്രവുമല്ല, അനുഷ്കയെ ആക്രമിച്ച രീതി ലജ്ജിപ്പിക്കുന്നതുമായിരുന്നു. സെമിഫൈനലില് തന്റെ പുറത്താകലിന് ശേഷം തനിക്കെതിരെ ഉയര്ന്ന വിമര്ശനങ്ങള് വ്യക്തിപരമായി തനിക്ക് ഏറെ നിരാശയുണ്ടാക്കി. ഇത് ജനങ്ങളിലുള്ള വിശ്വാസം നഷ്ടപ്പെടാന് ഇടയാക്കും. അത് ഒരു തരത്തില് നല്ലതാണ്. ആരെയൊക്കെ വിശ്വസിക്കാമെന്ന് നമ്മെ അത് പഠിപ്പിക്കും. ആരെല്ലാം കൂടെ നില്ക്കുമെന്നും, ആര് കൂടെ നില്ക്കില്ലെന്നും മനസ്സിലാക്കാന് അത് സഹായിക്കുമെന്നും കോഹ്ലി പറഞ്ഞു.
ഓരോ കളിക്കാര്ക്കും ഫോമിലെത്തുമ്പോള് ഓരോ അളവു കോലാണെന്നും താരം വ്യക്തമാക്കി. തന്റെ കാര്യത്തില് പ്രത്യേക നിയമമാണ്. താന് ഏതെങ്കിലും രണ്ട് കളികളില് നല്ല പ്രകടനം കാഴ്ച വച്ചില്ലെങ്കില് ഫോമില് അല്ലെന്ന് വാര്ത്തയാകും. മറ്റാരെങ്കിലും പത്തില് രണ്ട് കളികളില് അല്പ്പം നന്നായി കളിച്ചാല് അവര്ക്ക് മികച്ച ഫോമിലാണെന്ന് വാര്ത്ത നല്കുന്നതും രസകരമാണെന്നും കോഹ്ലി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha