സുന്ദര മുടിക്കായ് ഒരു ഹെന്ന മാജിക്
എത്ര കുറവു മുടിയുള്ളവരാണെങ്കിലും ഉള്ള മുടി ഭംഗിയായി കൊണ്ടുനടക്കാനാഗ്രഹിക്കുന്നവരാണ് എല്ലാവരും. മുടിയുടെ സംരക്ഷണത്തിനായി പലവിധ പരീക്ഷണങ്ങളിലും ഏര്പ്പെടുന്നവരാണ് മിക്കവരും. അവസാനം ഉള്ള മുടി കൂടി നഷ്ടപ്പെടുകയാണ് പതിവ്. വിപണിയില് തന്നെ മുടിയുടെ സംരക്ഷണത്തിനായ് പലതരം ഷാമ്പുകളും എണ്ണകളും വലിയ പരസ്യ വാചകത്തോടെ എത്താറുണ്ട്. പലപ്പോഴും സാമ്പത്തിക നഷ്ടവും മാനസിക പ്രയാസവുമായിരിക്കും ഫലം. അവിടെയാണ് പ്രകൃതിദത്തമായ മൈലാഞ്ചി നമ്മുടെ മുന്നിലേക്കെത്തുന്നത്.
മൈലാഞ്ചി കൊണ്ടുള്ള ഹെന്ന ഇന്ന് ലോക പ്രശസ്തമാണ്. യാതൊരു കൃത്രിമമായ പദാര്ത്ഥങ്ങളും ഈ ഹെന്നയില് ചേര്ക്കുന്നില്ല. എല്ലാം പ്രകൃതിയുടെ വരദാനങ്ങള്. ഹെന്ന ഉപയോഗിച്ചാല് ഉള്ള മുടി കൂടുതലായി തോന്നിപ്പിക്കുകയും മുടിയുടേയും തലയുടേയും ആരോഗ്യത്തിന് ഉത്തമവുമാണ്. കൂടാതെ മുടിയുടെ സൗന്ദര്യവും വര്ധിക്കുന്നു.
ഹെന്നയുടെ അടിസ്ഥാന വസ്തു മൈലാഞ്ചിയാണ്. ഒരു ചെറിയ കപ്പ് മൈലാഞ്ചിയോ കടയില് നിന്നും വാങ്ങാന് കിട്ടുന്ന ഹെന്നാ പൗഡറോ എടുക്കുക. രണ്ട് സ്പൂണ് കാപ്പിപ്പൊടി, നാല് സ്പൂണ് ചായപ്പൊടി എന്നിവ തിളപ്പിച്ച ശേഷം അരിച്ചെടുക്കുക. ഈ വെള്ളം ഉപയോഗിച്ച് അരക്കപ്പ് നെല്ലിക്കാപ്പൊടി, നന്നായി പതപ്പിച്ച ഒരു മുട്ടയുടെ വെള്ള, രണ്ട്സ്പൂണ് തൈര്, ഒരു തുള്ളി യൂക്കാലിപസ് എന്നിവയെല്ലാം എടുത്ത് ഒരു ഇരുമ്പ് പാത്രത്തിലെടുത്ത് കുഴച്ച് കുഴമ്പ് പരുവത്തിലാക്കി വയ്ക്കുക. 12 മണിക്കൂറിന് ശേഷം ഈ ഹെന്ന കൂട്ടെടുത്ത് മുടി പല തട്ടുകളായി തിരിച്ച് മുടിയിലും തലയിലും തേയ്ക്കുക. ഒരു മണിക്കൂര് കഴിഞ്ഞ് കഴുകികളയാവുന്നതാണ്. എന്നാല് അന്നേരം ഷാമ്പുവോ മറ്റ് എണ്ണകളോ തേക്കാന് പാടില്ല.
https://www.facebook.com/Malayalivartha